آنا صحیفه پلانت |
لوندون محکمهسی ایرانین «شیئفتاین» تانکلارینین آلیشی ایله باغلی مقاویله اوزره تخمیناً ۲۰ میلیون فونت ایستئرلینق دیرینده منفعت حاقی طلبینی رد ائدیب. بازار ائرتهسی ایرانین لوندونداکی سفیری ایسه بریتانییا رسمیلرینی ایرانا اولان بورجون اؤدنیلمهسینی «گئجیکدیرمهیه» جهدده اتهام ائدیب.
ده گاردیان قزئتینین یازدیغینا گؤره، لوندونون عالی محکمهسی بو ایلین آوقوستوندا سؤزوگئدن تانکلارین آلینماسی ایله باغلی مقاویلهنین دیرینه گؤره فایز اؤدنیلمهسینین ضروری اولماماسی ایله علاقدار ایلکین اینستانسییا محکمهسینین قرارینا ایرانین اعتراضینی رد ائدیب.
لوندونون تهرانا اولان بورجو ایله باغلی مسئله تخمیناً ۴۰ ایل اوله گئدیب چیخیر، بئله کی، ایرانین او واختکی حکومتی ۱۷۵۰ عدد تانکین آلینماسی اوچون بریتانییایا ۶۰۰ میلیون فونت ایسترلینق اؤدییب.
بریتانییا ۱۹۷۹-جو ایله قدر ایرانا ۱۸۵ عدد تانک تحویل وئریب، لاکین اینقیلابدان سونرا ایرانا سلاح ساتماقدان ایمتینا ائدیب.
«ده گاردیان»این یازدیغینا گؤره، حاضردا محکمه بریتانییانین بیر دؤولت شیرکتینه مخصوص ۵۰۰ میلیون فونت ایسترلینق اوزرینده سرانجام حقوقونا مالیکدیر، لاکین سانکسییالار سببیندن همین وسایتی ایرانا کؤچورمک چتینلشیب.
معلوماتا اساساً، بریتانییا ایله ایران آراسیندا سون اؤدنیشله باغلی فیکیر آیریلیغی وار و اینگیلترهنین عالی محکمهسی بازار ائرتهسی گونو نؤوبتی محکمه ایجلاسینین گلن ایلین مارتیندا کئچیریلجیی ایله باغلی قرار وئریب.
تاریخ
2019.10.08 / 12:11
|
مولف
Axar.az
|