مرکزی فارس ویلایتینین باش‌چی‌سی علی آغازاده بیر نئچه ساعت اول اراکین «آذرآب» شیرکتینین ایشچیلرینین آکسییا کئچیردیکلری یئره گله‌رک شیرکتین غیری-معین وضعیتینه آیدین‌لیق گتیریلمه‌سی اوچون آپاردیغی موذاکیره‌لرین دتاللاری حاق‌دا اونلارا معلومات وئریب.

دمیر یولونو باغلایان فهله‌لر بؤلگه والیسینین گلیشی ایله آکسییانی دمیر یولون‌دان کناردا داوام ائتدیریبلر.

اراکین تلگرام خبر کاناللاری بیر ساعت اول اراکین «آذرآب» شیرکتینین ایشچیلرینین عمل حاقلارینین اؤدنیلمه‌مه‌سینه و زاوودون ملکیتچی‌سینین معین ائدیلمه‌مه‌سینه اعتراض اولاراق بو گون اراک شهرینین عمومی دمیر یولو خطینی باغلادیقلارینی آچیقلاییب.

آذرآب شیرکتینین ایشچیلری کئچن هفته امک حاقلارینین بیر حیصه‌سینی الده ائدیب، لاکین سنتیابر آیینین معاشلارینی هله ده آلماییبلار.

قید ائدک کی، بیر مدت اول اراکین «هپکو» زاوودونون ناراضی ایشچیلری طرفین‌دن عمومی دمیر یولو خطینین باغلانماسی پولیسله قارشی‌دورمایا و بعضی اعتراضچیلارین حبسینه سبب اولوب.