من قیپچاقلارین بؤیوک دوستو قازاخیستانین بیرینجی پرزیدنتی نازاربایئوی عالی مکافات آلماسی مناسیبتیله تبریک ائتمک ایستییرم. بورادا ایشتیراک ائد‌نلرین هئچ ده هامیسی بلکه ده بیلمیر کی، مجاریستان‌دا قیپچاقلار یاشاییر و مجارلارین چوخونون دامارلارین‌دا قیپچاق قانی آخیر. اونلارین حتی اؤز بلدییه‌سی، اؤزونو ایداره اورگانلاری دا وار. جناب پرزیدنت نازاربایئو مجار قیپچاقلارینین فخری پرزیدنتی‌دیر. هر ایل قیپچاقلار ایجلاس کئچیرن‌ده بیز اونو مجاریستان‌دان سالاملاییریق. جناب پرزیدنت، سیزی عالی مکافات مناسیبتیله بیر داها تبریک ائدیریک.

آخار. آذ خبر وئریر کی، بو سؤزلری مجاریستانین باش ناظری ویکتور اوربان باکی‌دا تورکدیللی دؤولتلرین امکداشلیق شوراسینین ۷-جی زیروه گؤروشونده چیخیشی زامانی دئییب.

باش ناظر ایلک دفعه قیرغیزیستان‌دا تورک شوراسینین ایجلاسین‌دا ایشتیراک ائتدیینی بیلدیریب:

«آرتیق بئش ایلدیر کی، بیز پارلامنت آسامبلیاسینین عضوویوک و تورک آکادمییاسیندا مشاهیده‌چی قیسمینده ایشتیراک ائدیریک. بیز تورک شوراسینا مشاهیده‌چی قیسمین‌ده قوشولموشوق، چونکی بیز هم نه ایسه آلماق، هم ده نه ایسه وئرمک ایستییریک. بو گون بیز مجارلار بو شورایا آوروپایا و آوروپا اتفاقینا قوشولماغیمیزی تکلیف ائده بیلریک. بونا گؤره ده سون آیلاردا بیز تورک شوراسینین آوروپا نمایندلیینی یاراتمیشیق و سیزین خاریجی ایشلر ناظرلری ایله بیرلیکده بوداپشت‌ده بو دایمی نماینده‌لیگی آچمیشیق. بو دایمی نماینده‌لیکده اقتصادی فوروملار و موختلیف مدنی تدبیرلر کئچیریله‌جک. بو ایشه مومکون قدر تئزلیکله باشلاماق اوچون سیزین نماینده هیتلرینی احتیراملا گؤزلییریک. جناب پرزیدنتلر، سیزه تشکر ائدیره‌م کی، بو گون بو باره‌ده سازیش ایمضالاماغا راضی‌لیق وئرمیسینیز».