بو گون ناصرالدین شاه قاجارین آنیم گونودور.

Kult.az بو سببله ناصرالدین شاه قاجارلا باغلی ماراق‌لی فاکتلاری تقدیم ائدیر:

بیر نئچه ایلدیر کی، اینترنت‌ده و سوسیال شبکه‌لرده «ایران شاهینین حرملری» باشلیق‌لی فوتولار و مقاله‌لر پایلاشیلیر.

فوتولارا و مقاله‌یه اساساً، گویا ایران شاهی ناصرالدین شاه قاجارین زوقو بئله اولوب و عمومیتله، شرق‌ده گؤزللیک مفهومو، سارایدا حرملر، اساساً، بئله قادینلارلا دولو ایمیش.

اما آز-ماز تاریخ اوخویان، خصوصاً قاجارلار دورونو آراشدیرانلار بیلیر کی، ایران اؤز گؤزل قیزلاری ایله شرق‌ده و دنیادا مشهور اولوب. آغا محمد شاه قاجارین آناسی او قدر گؤزل اولوب کی، ایرانا سفر ائد‌ن فرانسیز سیاح بو قادینی شرقین ان گؤزل قادینی آدلاندیریب.

اینترنت‌ده و سوسیال شبکه‌لرده یاییلان فوتولارلا باغلی فکر و ملاحظه‌لر ایسه فرقلیدیر.

فوتولارداکی «قادینلار» ایران‌داکی ایلک دولت تئاترینین کیشی-آکتیورلاریدیر. بو تئاتر آوروپا مدنیتینی چوخ سئوه‌ن ناصرالدین شاهین امری ایله تشکیل اولونوب. تئاتر ۱۸۹۰-جی ایلده دار-ال-فونون تکنیکی مکتبین بازاسیندا یارادیلیب.

ایرانین ایلک دولت تئاتری حساب ائدیله‌ن بو تئاتردا سارای اهلی اوچون ساتیریک پیئسلر صحنه‌لشدیریلیر، تئاترلارین تاماشاچیلاری دا سارای اعیانلاری اولوردو. تئاترین تشکیلات‌چی‌سی میرزا علی اکبر خان نقاش‌باشی ایدی.

او، معاصر ایران تئاترینین بانیلریندن بیری حساب ائدیلیردی. او دورلرده قادینلارا صحنه‌ده چیخیش ائتمک قاداغان اولوندوغو اوچون قادین روللارینی دا کیشیلر ایفا ائدیردیلر. ایران‌دا ایلک دفعه ۱۹۱۷-جی ایلده تئاتر صحنه‌سینه قادین آکتریسا چیخیب.

بو، اصلینده، فوتولاری ایضاح ائد‌ن ان رئال وئرسییادیر. دقتلی تماشاچیلار سووت دورون‌ده لئنته آلینان فیلملری یادینا سالا بیلر. بو فیلملرده ده کیشی آکتیورلارین صحنه‌ده قادین اوبرازینی جانلاندیرما مسئله‌سی تصویر ائدیلیب.

بونونلا بئله، مسئله ایله باغلی سهو وئرسییالار ایر‌لی سوره‌نلر ده وار. اونلاردان بیری روسییا علملر آکادمییاسینین شرق‌شناس‌لیق اینستیتوتونون تدقیقات‌چی‌سی، باش علمی ایشچی، تاریخ علملری نامیزدی بوریس واسیلیویچ دولقوودور.

اونون فیکرینجه، سؤزوگئدن فوتولاردا قادینلار تصویر اولونوب:

«شبهه‌سیز، شاه حرمخاناسین‌دا بئله قادینلار اولوب. اما اونلاری گیزلی ساخلاییبلار. توک مسئله‌سینه گلدیکده، چوخ گمان کی، حرمخانا صاحبینین بیغ‌لی قادینلاردان خوشو گلیب. کؤکلوک ایسه گؤزللیک سیموولودور».

چوخ گمان کی، بو مقاله‌دن سونرا سوسیال شبکه استفاده‌چیلری سونونجو ورسییانین سهو اولدوغونو، سؤزوگئدن فوتولارداکی «بیغ‌لی-ساققال‌لی قادینلار»ین، اصلین‌ده، قادین رولو ایفا ائد‌ن کیشی آکتیور اولدوغونو باشا دوشه‌جک...