ایران خاریجی ایشلر ناظیرلیینین سؤزچوسو افغانیستانین ننگرهار ویلایتین‌ده‌کی بیر مسجیدده تؤردیلمیش ترور حادثه‌سینه مناسیبت بیلدیریب.

آخار. آذ خبر وئریر کی، ایران خاریجی ایشلر ناظیرلیینین سؤزچوسو عباس موسوی افغانیستانین حکومتی و خالقینا باش ساغلیغی وئره‌رک، هلاک اولانلارین عائله‌لرینین کدری ایله بؤلوشوبدور.

ایرانین دیپلماتییا آپاراتینین سؤزچوسو بیلدیریب کی، جمعه نمازی قیلارکه‌ن مدافعه‌سیز اینسانلارین هدفه آلینماسی افغانیستان‌دا تفرقه و فیتنه سالماق و بو قونشو و مسلمان اؤلکه‌ده امین-آمان‌سیزلیق و ثباتسیزلیغین داوام ائتمه‌سی ترورچولارین آلچاق خیصلتلرینی بیر داها بوروزه وئریر.

قید ائدک کی، افغانیستانین ننگرهار ویلایتینین « حسکه مینه» رایونونون « «جو دره» بؤلگه‌سین‌ده یئرلشن بیر مسجیده قارشی ایکی راکت هوجومو نتیجه‌سینده ایندیدک آلتمیش ایکی اینسان هلاک اولموش، آلتمیش نفر ده یارالانیب‌دیر.