آنا صحیفه پلانت |
روسییانین تورکییهده، مرسین ویلایتینده اینشا ائتدیی آککویو اتم الکتریک ایستانسییاسیندا (آئس) ایشلهمهیه گلن مهندیسلری گتیرهن مینیبوس قزایا اوغراییب.
آخار. آذ خبر وئریر کی، حادثه زامانی ۲ مهندسین هلاک اولوب، سوروجو ایله بیرلیکده ۱۱ نفر آغیر یارالانیب.
گلن اینفورماسییالارا اساساً، مرسینین گولنار رایونونا باغلی بؤیوک ائیجلی بؤلگهسینده یئرلشهن آتم الکتریک ایستانسییاسیندا چالیشماق اوچون گلن مهندیسلر روسییادان اؤنجه آنتالیایا گلیبلر، اورادا ایسه عمر اؤ. آدلی سوروجونون ایداره ائتدیی مینیبوسا مینیبلر.
روسییا وطنداشلارینین اولدوغو آوتومبیل مئرسینین سیلیفکه رایونونون آغدره کندی یاخینلیغیندا آرخادان آغیر یوک آوتومبیلی ایله توققوشوب. چارپیشمانین تأثیری ایله مینیبوس یوک ماشینینین یئدیینین آلتینا گیریب.
اؤلن مهندیسلرین دنیس پترپوک و آندری وورونوو اولدوغو بیلدیریلیر.
یولدان کئچن سوروجولرین خبر وئرمهسی ایله حادثه یئرینه تعجیلی یاردیم ماشینلاری، ژاندارمرییا و پلیسلر جلب اولونوب. یارالیلارین هامیسی سیلیفکه دؤولت خستهخاناسینا یئرلشدیریلیب.
تاریخ
2019.10.19 / 16:32
|
مولف
Axar.az
|