آنا صحیفه پلانت |
ترامپ آدمینیستراسییاسینین تورکییه و سورییانین شیمالی ایله باغلی سون یاناشماسینی مدافعه ائدن آمریکا دؤولت کاتیبی مایک پومپئو ایران ایسلام رسپوبلیکاسینین یارانان بوشلوقدان ایستیفاده ائتمهسینه دایر تنقیدلری رد ائدرک، ایرانین سورییادا گئری سیخیشدیریلماسی اوچون سعیلرین «رئال و داواملی» اولدوغونو سؤیلهییب.
اوکتیابرین ۲۰-ده آی بی سی تلویزییاسینا مصاحیبه وئرهن پومپئو آمریکانین تورکییه پرزیدنتی ایله الده ائتدیی سون راضیلاشمانی تنقید ائدنلره جواب وئرهرک دئییب: «سیزی امین ائدیرهم کی، ایرانین (سورییادا) گئری سیخیشدیریلماسی اوچون سعیلر رئال و داواملیدیر».
او، هابئله ترامپ آدمینیستراسییاسینین ایرانین سورییادا تأثیری، ایشید مهبوسلارینین سربست بوراخیلماسینین قارشیسینین آلینماسی و بشار اسد حاکمیتینین نظارتده ساخلانیلماسی دا داخیل اولماقلا هر اوچ مسئله نین حلی ایله باغلی «تام قرارلی» اولدوغونو بیلدیریب.
قئید ائدک کی، آمریکا اوردوسونون سورییانین شیمالیندان چیخاریلماسی آمریکا کنگرسینده تنقید دالغاسی ایله قارشیلاشیب؛ بونونلا بئله آمریکانیوین ویتسئ-پرئزیدئنتی مایک پئنس و پومپئو اؤتن هفتهنین جومعه آخشامی آنکارایا سفر ائدرک تورکییه پرئزیدئنتی رجب تایییب اردوغانی بئش گونلوک آتشکس رازیلاشماسینا راضی سالیبلار.
مایک پومپئو «اردوغان بو رازیلاشمادا ایستدیینی آلدی» دئیهن تنقیدچیلره جاواب اولاراق بیلدیریب: «بو عمومیتله بئله دئییلدی و «چتین دانیشیقلاریمیز» اولدو کی، بو موذاکیرهلر آنکارایا چاتمازدان اول ده باشلادی».
تاریخ
2019.10.21 / 15:40
|
مولف
Axar.az
|