آمریکانین تهلوکه‌سیزلیک اورگانلاری روسییا، چین، ایران و دیگر «خاریجی قرضلی آکتیورلاری» پرزیدنت سئچکیلرینه موداخیله ائتمک‌ده و یا خالقینین سسلرینه تأثیر گؤسترمک‌ده اتهام ائدیب. خبردارلیق سئچکیلردن بیر ایل اول وئریلیب.

آمریکادا پرزیدنت سئچکیلرینه تخمیناً بیر ایل قالمیش تهلوکه‌سیزلیک اورگانلاری «خاریجی آگنتلرین» سئچکیلره یئنی‌دن مداخیله‌لری باره‌ده خبردارلیق ائدیب.

آمریکانین یئددی بؤیوک تهلوکه‌سیزلیک اورقانینین رهبرلری نویابرین ۵-ده آچیقلاما یایاراق بیلدیریب: «دوشمه‌نلریمیز دموکراتیک مکانیزملریمیزی سارسیتماق، عمومی وضعیتی دییشمک و حکومتین سیاستینه تأثیر گؤسترمک ایستییر».

بیاناتی اؤلکه‌نین مدافعه، عدلیه، داخی‌لی تهلوکه‌سیزلیک ناظرلیکلرینین و میللی کشفیات، فدرال پلیس (فبی)، میللی تهلوکه‌سیزلیک آگنت‌لیگی و آمریکا کیبئر تهلوکه‌سیزلیک بوروسو اورگانلارینین رهبرلری ایمضالاییب.

تهلوکه‌سیزلیک قوروملاری روسییا، چین، ایران و دیگر «قرضلی خاریجی آکتیورلارین» سئچکی پروسسینه موداخیله ائتمه‌یه و اینسانلارین سسلرینه تأثیر گؤسترمه‌یه چالیشاجاقلاری باره‌ده خبردارلیق ائدیب.

بیاناتی ایمضالایانلار سوسیال شبکه‌لرین ایستیفاده‌سینی، تحریف اولونموش معلوماتلارین و ساختا خبرلرین یاییلماسینی و سئچکی اینفراستروکتورونا کیبئرهوجوملاری آمریکا سئچکیلرینین نتیجه‌لرینی دییشدیرمک اوچون ایستیفاده ائدیله بیله‌ن متودلار کیمی معینلشدیریبلر.