ایرانین اینسان حقوقلاری اوزره عالی شوراسینین کاتیبی محمد جواد لاریجانی ب ام ت-نین اینسان حقوقلاری ایله باغلی ایللیک حساباتینی کسکین تنقید ائدیب.

معلوماتا اساساً، م. ج. لاریجانی ب ام ت-نین اینسان حقوقلاری اوزره کمیسارینین حاضیرلادیغی حساباتین سیاسی کاراکتر داشیدیغینی و حقیقتله هئچ بیر علاقه‌سینین اولمادیغینی بیان ائدیب.

او بیلدیریب کی، ایران‌دا پرزیدنت و پارلامنت سئچکیلری دموکراتیک اساس‌دا کئچیریلیر و اؤلکه وطنداشلارینین سئچیب-سئچیلمک حقوقو وار. ایران‌دا سؤز، فیکیر و مطبوعات آزادلیغی اولدوغو حال‌دا، حسابات‌دا اینسانلارین حقوقلارینین پوزولدوغو گؤستریلیب. اونون سؤزلرینه گؤره، حسابات‌دا اینسان حقوقلارینین پوزولماسینا دایر ثبوتلار یوخدور. م. ج. لاریجانی ب ام ت-نین اینسان حقوقلاری اوزره کمیسارلیغینین امکداشلارینی ایرانا دعوت ائد‌رک نظره چاتدیریب کی، اؤلکه‌یه سفر ائتمه‌دن، ساده‌جه اولاراق غرب مطبوعاتینین یازدیغی غیری-دقیق معلوماتلار اساسین‌دا حاضیرلانمیش حسابات قبول اولونمازدیر.

او قید ائدیب کی، ایران اینسان حقوقلارینین قورونماسی مسئله‌سینده ب ام ت و دیگر بین الخالق تشکیلاتلارلا امکداشلیق ائتمه‌یه حاضردیر. خاطیرلاداق کی، ایرانین اینسان حقوقلاری اوزره عالی شوراسینین توپلانتی‌سیندا ب ام ت-یه اعتراض مکتوبو عنوانلانیب.