بین الخالق عفو تشکیلاتی، عراقدا حکومت علیهینه کئچیریله‌ن اعتراضلاردا اعتراضچیلارین اؤلومونه یول آچان گاز بومبالارینین بیر قیسمینین ایران مالی اولدوغونون معین ائدیلدیگینی بیلدیردی.

عفو هؤرگوتونون یاییملادیغی عراقدا اعتراضچیلارا قارشی ایستیفاده ائدیله‌ن اؤلومجول گؤز یاشاردیجی بومبالار" باش‌لیق‌لی راپوردا یئنی آنالیز نتیجه‌لرینه یئر وئریلدی.

راپوردا، هؤرگوتون ساحه‌ده گرچکلشدیردیگی آراشدیرمالار داها اؤنجه صربیستان اۆرتیمی گاز بومبالارینین معین ائدیلدیگی، یئنی تحلیللرده اورتایا چیخان ام۶۵۱ و ام۷۱۳ تیپی بومبالارین ایسه ایران ساوونما صنایعی تشکیلاتینا عاید اولدوغو قید ائدیلدی.

اؤلوملرین اؤنملی بؤلومونون ایران یاپیمی گاز بومبالارین‌دان قایناقلاندیغینا یئر وئریله‌ن راپوردا، باشکند بغداددا بو بومبالاری قوللانان گوونلیک گوجلرینین کیملیکلری حاقین‌دا معلوماتا اولاشیلاممادیغی بیلدیریلدی.

"اؤلوملره و گؤستری‌چیلرین یارالانمالارینا سبب اولان گاز بومبالاری و قوللانیملاری، مستقیل و شفاف بیر سوروشدورمایا تابع توتولمالی‌دیر" ایفاده‌سی قوللانیلدی.

قئید ائدک کی، عراق‌لیلار ایش‌سیزلیک، مالی فساد و دؤولت خیدمتی یئترسیزلیگینه اعتراض ائتمک مقصدیله اؤلکه‌نین موختلیف بؤلگه‌لرین‌ده گؤستریلر تشکیل ائدیر.