آذربایجان میللی علملر آکادمییاسینین ریاست هئیتین‌ده ایران ایسلام رسپوبلیکاسینین مدنیت و ایسلامی علاقه‌لر تشکیلاتینین صدری، دوکتور ابوذر ایبراهیمی تورکمانین باشچیلیق ائتدیی نماینده هئیتی ایله گؤروش کئچیریلیب. نماینده هئیتینه ایرانین آذربایجان‌داکی سفیری جواد جهانگیرزاده و ایران مدنیت مرکزینین صدری عسگر فارسی داخیلدیرلر.

آخار. آذ خبر وئریر کی، اولجه آکادمیانین پرزیدنتی، آکادمیک رامیز مهدیئو قوناقلاری سلاملایاراق، آذربایجانلا ایران آراسین‌داکی تاریخی دوستلوق مناسیبتلرین‌دن سؤز آچیب، بو علاقه‌لرین سون دؤورلرده داها گئنیش ووسعت آلدیغینی قید ائدیب. بیلدیریب کی، ایکی اؤلکه آراسین‌دا امکداشلیغین گئنیشلندیریلمه‌سی پرزیدنتی ایلهام علیئوین حیاتا کئچیردیی آردیجیل و اوزاق گؤره‌ن سیاستین نتیجه‌سی‌دیر.

آکادمیک رامیز مهدیئو ایران ایسلام رسپوبلیکاسین‌دان اولان نماینده هئیتینین باکی‌دا کئچیریله‌ن دونیا دینی لیدئرلرینین ۲-جی ساممیتین‌ده ایشتیراکینی و اؤلکه رهبری ایله گؤروشونو یوکسک قیمتله‌ن‌دیره‌رک، بو سفرین ایکی دوست اؤلکه آراسین‌دا علم و مدنیت ساحه‌سین‌ده چوخترف‌لی علاقه‌لرین تشکیلینه تکان وئرجیینی سؤیله‌ییب.

آذربایجان تاریخینین هله ده دونیا علمی ایجتیمایتین‌ده کیفایت قدر تانینمادیغینی وورغولایان آکادئمیک بو گون اؤلکه عالیملرینین تاریخیمیزی اولدوغو کیمی تقدیم ائتمک اوچون یئنی منبع‌لرین آختاریشین‌دا اولدوقلارینی دئییب: «دوشونوره‌م کی، ایرانین آرخیو سندلرین‌ده ده آذربایجان تاریخی ایله باغلی قیمت‌لی ماتئریاللار واردیر. ایران و آذربایجان عالیملری بیرگه فعالیت گؤسترمه‌لی، تاریخی حقیقتلرین اورتایا چیخاریلماسی، ایران-آذربایجان تاریخینین داها درین‌دن اؤیرنیلمه‌سی اوچون سیلرینی الاقلندیرملیدیرلر».

ابوذر ایبراهیمی تورکمانین سؤزلرینه گؤره، تاریخاً فورمالاشمیش دوستلوق و امکداش‌لیق مناسیبتلری، اورتاق عادت-عنعنه‌لر، دینی دیرلر آذربایجان و ایران خالقلارینین داها دا یاخینلاشماسینا زمین یارادیب. ایکی اؤلکه آراسین‌دا علم و مدنیت ساحه‌سین‌ده مؤوجود اولان علاقه‌لرین بون‌دان سونرا دا داوام ائتدیریلمه‌سی هر ایکی اؤلکه‌نین اینکیشافینا مثبت تأثیر گؤستره‌جک.