یوخاری

زلزه‌له‌دن زرر چکه‌نلره موقتی ائولر هله ده تهویل وئریلمه‌ییب

آنا صحیفه پلانت
12 Punto 14 Punto 16 Punto 18 Punto

ساراب و میانا کندلرین‌ده زلزه‌له‌نین باش وئرمه‌سین‌دن ۲ آی کئچ‌سه ده، ۱۲ مئترلیک موقتی ائولر هله ده تام حاضر وضعیته گتیریلمه‌ییب.

بو سبب‌دن اهالی قارلی قیش گونلرین‌ده چوخ چتین شرایط‌ده یاشاییر.

مرکزی اترک شهرین‌ده اولان ۵.۹ بال گوجون‌ده‌کی زلزه‌له‌ده ۵ نفر اؤلوب، اونلارلا اینسان یارالان‌دی. آذربایجانین بیر چوخ یئرین‌ده اولدوغو کیمی بورادا دا ائولر دؤزوم‌لو اوچون یوزلرله ائو یاشانیلمایاجاق قدر خسارت آلدی.

سرت قیش اؤزونو گؤسترمه‌یه باشلادیق‌دا اهالییه وئریله‌ن چادیرلار زلزه‌له‌نین فسادلارینین داها چوخ نظره چارپاسینا سبب اولدو. الاج‌سیز قالان و ائولرین‌دن مهروم اولاراق چادیرلارا اوز توتموش زررچکه‌نلر سسلرینی مسئوللارا چات‌دیرا بیلمه‌یه‌رک وعده‌لرین اومیدینه قال‌دیلار.

کند یئرین‌ده کیرایه کمکی نه ایشه یاراییر؟

ایلک باش‌دا چادیرلارین بئله اهالینین هامی‌سینا چاتماماسی و قیش گونلرین‌ده ایشه یاراماسی دئیه‌ن‌ده دؤولت اهالییه کیرایه کؤمک‌لیگی ائدجیینی آچیقلادی. کیملرین هان‌سی حسابا اساساً نه قدر آلاجاغی، بئله بیر شئیین حیاتا کئچیریلیب-کئچیریلمیجیی دقیق بیلینمه‌سه ده، اساس متلب بو ایشین زلزه‌له‌ده زرر چکه‌نلرین ایشینه یاراماسی ایدی. چونکی اساساً کندلرین بیر چوخون‌دا ائولرین هامی‌سی یاشانیلمایاجاق حالا گلیب. عینی زامان‌دا کند یئرین‌ده کیرایه ائوین هئچ بیر معناسی یوخ‌دور. آنلاشیلان اودور کی، ایران حکومتی میللتین ائوینی-یوردونو بوراخیب شهرلره کؤچمه‌لرینه ایشاره ائدیردی. ایران‌دا اولان بو ایشسیزلیک وزیتین‌ده و کندلیلره زلزه‌له‌دن دیه‌ن زرر گؤز اؤنونه گتیریله‌ن‌ده ایشین خئییرلی نتیجه‌سی اولمایاجاغی باشین‌دان بل‌لی ایدی.

نئچه عائله چادیردا قار آلتین‌دا قال‌دی

مسئوللار دفعه‌لرله «کیم‌سه آرتیق چادیردا قالمیر» دئییب زلزه‌له‌ده زرر گؤره‌نلرین هام‌سینین موقتی ائو و یا کوتئجلرده یاشادیغینی ادعا ائتسه‌لر ده، منطقه‌دن پایلاشیلان گؤرونتولر بعضی کندلرده نئچه عائله‌نین بیر چادیردا قالدیغینی اورتایا چیخاریب. چوخ وعده وئریلدیک‌دن سونرا بئله قرار وئریل‌دی کی، خسارت گؤره‌نلر اوچون یا عائله باشینا ۱۰ میلیون تومه‌ن تجی‌لی پول یاردی‌می ائدیل‌سین، یا دا ۱۲ مئترلیک موقتی اوتاق کیمیلر حاضرلان‌سین. آنجاق مجید جودی مسکه‌ن فوندونون موعاوینینین دئدیینه گؤره، بو ۱۲ مئترلیک اوتاقلار فئورالین ۱۱-ا کیمی تامام‌لاناجاق و او تاریخ‌دن سونرا هامینین موقت قالاجاغی یئر تکمیللشه‌جک. یعنی دفعه‌لرله هر شئیین یولون‌دا اولدوغو و هئچ کیمین ائشیک‌ده قالمادیغینی بیل‌دیره‌ن ایران بو دفعه ۱۲ مئترلیک اوتاقلارین تاماملانماسینی ۱۱ فئورالا ود ائدیر.

تاریخ
2020.01.07 / 17:53
مولف
Axar.az
شرح لر
دیگر خبرلر

تورکییه ۲۳ شهیدین قیصاصینی آلدی: بو تررورچو محو ائدیلدی

بو، آمریکانین یئنی فیریلداغی‌دیر، هامی آنلاییر - روسییا

رئیسی‌نین وداع مراسیمینه ۱۰۰ میندین چوخ اجنبی جلب ائدیل‌ی

رئیسی‌نین آنیم مراسیمین‌ده داوا دوشدو: یارالانانلار وار

پاشینیانین معاونی ده عشق‌آبادا گئتمه‌دی

آمریکا و چینین مدافعه ناظیرلری سنگاپوردا گؤروشه‌جک

آلمانییا دا فلسطینین مستقیلیینی تانییاجاق؟

پوتین بو تورک اؤلکه‌سینه سفره گئدیر

ایول‌دا اوکراینا ناتو عضولویونه دعوت ائدیله‌جک؟

لاوروو ایروان‌داکی سفیرین مسکوایا چاغیریلماسینی شرح ائتدی

خبر خطّی
Axar.az'da reklam Bağla
Reklam
Bize yazin Bağla