آنا صحیفه پلانت |
بؤیوک بریتانییا شاهزادهسی هارری و حیات یولداشی مگان مارکل کرال عائلهسینین مالییه ایمتیازلاریندان ایمتینا ائدرک کانادایا کؤچمک ایستهسهلر ده، کانادا جمعیتی اونلاری ایستمیر.
آخار. آذ خبر وئریر کی، بو بارهده کانادانین ان بؤیوک قزئتی «گلوبوس و پوچت»دا یاییملانان مقالهده قید ائدیلیب. مقالهده هارری ایله مگانین سؤزوگئدن قرارینین اینسانلار طرفیندن خوش قارشیلانمادیغی بیلدیریلیب.
مقالهده کانادا حکومتینین بو قرارا «یوخ» دئمهسی گرکدیی وورغولانیب:
«بو اؤلکهده کراللیق حیاتی کانادانین بؤیوک بریتانییا ایله، همچینین، کرال عائلهسی ایله اوزون مدت داوام ائدن مناسیبتلرین طبیعتینه ضیددیر.
اگر کرال عائلهسینین یوکسک سوییهلی شخصلریندن بیریسینیزسه، بو اؤلکه سیزی خوش قارشیلاماز».
قید ائدک کی، بؤیوک بریتانییا شاهزادهسی هارری و حیات یولداشی مگان مارکل کرال عائلهسینین مالییه ایمتیازلاریندان ایمتینا ائتدیکلرینی آچیقلامشدی. جوتلوک ایلین یاریسینی اینگیلترهده، یاریسینی ایسه کانادادا یاشاماق ایستدیینی سؤیلمیشدی.
تاریخ
2020.01.16 / 15:59
|
مولف
Axar.az
|