لوفتهانسا و آوسترالییا هاوا یوللاری تهرانا اوچوشلارین تاخیره سالینماسینین واختینی بیر آز دا اوزادیب.

آخار. آذ خبر وئریر کی، هاوا یولو شیرکتلری تهرانا اوچوشلارین تاخیره سالینماسینین مارتین ۲۸-ا قدر اوزادیلماسینا قرار وئریبلر.

آلمانییا هاوا یوللاری شیرکتین‌دن وئریله‌ن آچیقلامادا، بو قرارین سببینین ایران هاوا یوللارین‌داکی تهلوکه‌سیزلیک سیستمی ایله باغلی اولدوغونو بیلدیریلیب.

آوروپا طیاره‌چی‌لیک تهلوکه‌سیزلیگی آگنت‌لیگی ده هاوا یوللاری شیرکتلرینه هله‌لیک ایران هاواسین‌دا اوچماق‌دان چکینمیی توصیه ائدیب.

قید ائدک کی، یانوارین ۸-ی اوکراینا سرنیشین طیاره‌سینین ایران سماسین‌دا وورولماسین‌دان سونرا لوفتهانسا اوچوشلارین یانوارین ۲۰-ا دایاندیریلاجاغینی بیلدیرمیشدی. آنجاق بو تاریخ یاخینلاشدیقجا هاوا یوللاری شیرکتی اوچوشلارینین دایاندیریلماسی مدتینی ایکی آیدان چوخ مدته اوزادیب.