شرقی آنادولو فای خطی اویانماغا باشلاییب.

آخار. آذ خبر وئریر کی، بونو «حابرتورک»ا آچیقلاماسین‌دا الازیغ زلزله‌سینی اؤنجه‌دن پروقنوزلاشدیران پروفسور ناجی گؤرور دئییب.

«بو مرحله‌ده هر هان‌سی شئی سؤیله‌مک مومکون دئییل. بؤیوک بیر زلزله‌دیر. اومید ائدیره‌م کی، یانیلیرام، اما ایتکیلرین اولاجاغینی دوشونوره‌م. شرقی آنادولو فای ختتی اویانماغا باشلاییب. شرقی آنادولو فای خطی اوزرین‌ده اوزون ایللردیر زلزله اولموردو. بو زامانا قدر زلزله‌لر شیمالی آنادولو خطین‌ده یارانیردی. بو خط قیریلدی و ۷ بال جیواریندا زلزله میدانا گلدی. بورادا بؤیوک زلزله‌لر گؤرممیشدیک و بونا گؤره ده او بیزی ناراحات ائدیردی. شیمالی آنادولو زلزله یارادیب، انرژینی آتیر، عوضینده بورادا دا بیر زلزله زنجیری میدانا گتیره بیلجیینی دوشونوردوک» – دئیه او بیلدیریب.

حاضیرکی زلزله‌نین باش وئردیی اراضی‌ده ۱۸۷۴ و ۱۸۷۵-جی ایللرده ایکی بؤیوک زلزله‌نین اولدوغونو دئین گؤرور ایندی سیوریجه-بینگؤل و سیوریجه-پوتورگه-چئلیکخان آراسین‌داکی خطه دقت یئتیریلمه‌لی اولدوغونو بیلدیریب.

پروفسور بو زلزله‌دن ناراحات اولدوغونو دا قید ائدیب.

اکسپئرت اؤتن گونکو زلزله ایله باغلی دا اؤنجه‌دن خبردارلیق ائتدیینی، اما بونونلا باغلی هئچ بیر ایشین گؤرولمدیینی سؤیله‌ییب.