تئهران شهرینه داخیل اولان آوتوموبیللرین نؤمره‌سی رایون قئیدیاتی اولارسا، یاشاییش یئرلرینه گئری قایتاریلاجاقلار.

بو سؤزلری تئهران پولیس ایداره‌سینین ریس موعاوینی پالکوونیک مهمودوند دئییب.

کورونا ایله موباریزه قرارگاهینین ایجرا تلیماتلارینا اساساً، تئهرانین یول پولی‌سی اطرافین‌دا ۳ نقطه‌ده محدودیت و قاداغالار ایجرا اولوناجاق: تئهران-قوم یئنی یولو (گیریش و چیخیش)، تئهران-شیمال یولو (چیخیش)، تئهران-قوم کؤهنه یولون‌دا محدودیتلر تطبیق ائدیله‌جک. بوتون امکداشلار گون عرضین‌ده بو اوچ نقطه‌ده ۲۴ ساعت نظارت ائد‌جکلر:

«رایون قئیدیاتی نؤمره‌لی ماشینلارین تئهرانا داخیل اولمالاری قاداغان‌دیر. ایجرا تلیماتلارینا اساساً، تئهران شهرینه گیرمک نیتین‌ده اولان رایون قئیدیاتی نؤمره‌لی آوتوموبیللر شهرلرینه گئری قایتاریلاجاق. ائل‌جه ده تئهران‌دان چیخماق ایسته‌یه‌ن تئهران قئیدیات‌لی آوتوموبیللره ده چیخیش ایزنی وئریلمه‌یه‌جک و تئهرانا قایتاریلاجاق. پولی‌سین بو قرارینا قارشی چیخان سوروجولرین ماشینلاری کورونایا قارشی موباریزه قرارگاهینین ایجرا تلیماتلارینا اویغون اولاراق بیر آی مدتین‌ده دایاناجاق‌دیر».