ایدمان رقصلری اوزره ایکی‌قات دنیا و اوچ‌قات آوروپا چمپیونو آرسن آغامالیان اوکتیابرین ۳۰-دا باکیدا کئچیریله‌جک «آذربایجان دنس فستیوالی ۲۰۲۶» تدبیرینده چیخیش ائد‌جک.

Kult.az خبر وئریر کی، بو باره‌ده آغامالیان اؤزونون فیسبوک صفحه‌سینده یازیب.

«باکییا اوچورام. اوکتیابرین ۳۰-دا اوکسانا ایله بیرلیکده اورادا ایکی رقص نمره‌سینی - «کارمن» و «ابلیس»ی ایفا ائدجه‌ییک»، - او بیلدیریب.

آغامالیان باکی‌دا آنادان اولدوغونو، والدینلرینین ده محض بورادا تانیش اولدوقلارینی یازیب.

رقاصین سؤزلرینه گؤره، باکی سفری اونون اوچون خصوصی اموسیونال اهمیت داشییر:

«۳۷ ایلدیر گؤرمه‌دییم قارداشیم و باجیملا، ایندیه‌دک هئچ واخت گؤرمه‌دییم قارداش-باجی اوشاقلاریملا، اوشاقلیقدا حیأطده بیرلیکده قاچیب اوینادیغیم انسانلارلا گؤروشه‌جه‌یه‌م.

من آناملا آتامین سئوگیسینین شهرینه گئدیرم. اونلارین دائم گنج قالدیغی، هر شیین یئنی باشلادیغی شهره گئدیرم. من دوغولدوغوم شهره گئدیرم».

قید ائدک کی، آرسن آغامالیانین آتاسی قاراباغدان اولان ارمنی اصیللی فوتبولچو، آناسی ایسه باکیدا دوغولموش روس اصیللی ایدمان گیمناستی اولوب.