کویت اؤلکه‌نین داخلی ایشلر ناظرینه سوء-قصد حادثه‌سینه جهددن سونرا ایران سفیرینی خاریجی ایشلر ناظرلیینه چاغیریب.

Axar.az خبر وئریر کی، بو حاق‌دا «رویترز» خبر آگنتلی معلومات یاییب.

"کویتین خارجی ایشلر ناظرلییی ایران اسلام رسپوبلیکاسی سفیرلیینین بو اؤلکه‌نین یوکسک وظیفه‌لی شخصلرینه قارشی سوء-قصدین حاضرلانماسی ایشی ایله باغلی بیاناتینا جواب اولاراق، ایران سفیرینی چاغیریب و اونا رسمی اعتراض نوتاسی تقدیم ائدیب"،- معلوماتدا بیلدیریلیب.

کویت خاریجی ایشلر ناظرلییی بیان ائدیب کی، اسلام رسپوبلیکاسی سفیرلیینین بیاناتی «داخلی ایشلره آشکار مداخله» و بو اؤلکه‌نین محکمه سیستمینین سوورنلییی و مستقیللیینه قصددیر.

کویت محکمه‌سی ایران وطنداشی عبدالرضا حیدر دهقانی ده داخل اولماقلا اوچ نفری اسلام رسپوبلیکاسینا جاسوسلوق ائتمک، لیوانین حزبوللاه تشکیلاتی ایله امکداشلیق ائتمک و داخلی ایشلر ناظری ده داخل اولماقلا کویت رسمیلرینه قارشی سوء-قصد حاضرلاماق اتهاملاری ایله اعدام جزاسینا محکوم ائدیب.
ایرانین کویتده‌کی سفیرلییی ایسه بیانات یایاراق اتهاملاری رد ائدیب، ایران وطنداشینین سون اون ایلده کویت‌ده اولمادیغینی و اتهاملاری اساس‌سیز سناریلر آدلاندیریب.