تورکیه، قطر دولتلری و «مسلمان قارداشلاری» تشکیلاتی اسرائیل‌ده سئچکیلره مداخله‌لر ائدیب.

Axar.az خبر وئریر کی، بو باره‌ده اسرائیل مطبوعاتی معلومات یاییب.

معلوماتا گؤره، سون ۲۴ ساعت عرضین‌ده سسلرین ساتین آلینماسی، خصوصیله ده ایسرایل‌ده "مسلمان قارداشلاری" تشکیلاتینین تمثیل‌چی‌سی قیسمینده چیخیش ائد‌ن اسلام‌چی رعام پارتیاسینا سس وئریلمه‌سی مقابیلینده اؤدنیشلرین ائدیلمه‌سی ایله باغلی آپاریلان آراشدیرما چرچیوه‌سینده بیر نئچه شبهه‌لی شخص ساخلانیلیب.

بون‌دان باشقا، سئچکی گونو پلیس نگئوده بدویلرین مسکونلاشدیغی اراضی‌ده سئچکی پروسسینین دوروستلویونه خلل گتیرمکده شبهه‌لی بیلینن اوچ نفری ساخلاییب. اونلار ساکینلره رعام پارتیاسینا سس وئرمه‌لری مقابلین‌ده روشوت تکلیف ائدرکه‌ن جنایت باشیندا یاخالانیبلار.

اونلارین اوزریندن ایچریسین‌ده پوللار اولان پاکتلر چیخیب.

اسرائیل مطبوعاتی یازیر کی، سئچکیلره ایکی گون قالمیش کنستین عرب سیاهیسی پارتیاسین‌دان اولان ملت وکیلی احمد تیپی «الجزیره»یه مصاحیبه وئرمک اوچون قطره سفر ائدیب.

قید ائدک کی، اسرائیلین مرکزی سئچکی کمیسیاسینین «شین بت» تهلوکه‌سیزلیک خدمتینین رهبرینه خارجی قوروملارین اسرائیل‌ده سئچکیلرین نتیجه‌لرینی دییشدیرمه‌یه یؤنلمیش کامپانیانی مالیه‌لشدیردیینه دایر معلوماتلاری آراشدیرماغی تاپشیردیغی باره‌ده معلوماتلار یاییلمیشدی.