روسیا پرزیدنتی ولادیمیر پوتین سکاندیناوییا لیدرلری ایله تلفن دانیشیغینین بؤیوک حصه‌سینی اورتا عصر سلاویانلارینین تاریخی حاقین‌دا محاضره اوخوماغا صرف ائدیب.

Axar.az خبر وئریر کی، بو باره‌ده «فایننشل تایمز» معلومات یاییب.

«تلفن دانیشیغی زامانی پوتین محاربه‌یه نئجه سون قویولاجاغینا دایر اساس مسئله‌لری مذاکره ائتمک عوضینه کرملین طرفیندن «مناقشه‌نین کؤکلو سببلری» آدلاندیریلان مسئله‌لرله باغلی اوزون و سرت چیخیش ائدیب. اوکراینانین اساس طلبی اولان درحال آتشکس پرسپکتیوی دئمک اولار کی، مذاکره اولونماییب. سکاندیناوییا لیدرلری ده پوتینین آوروپا ایله دیالوگا گیرمک مسئله‌سینده نه درجه‌ده جدی اولدوغونو آنلاماق اوچون اونون سؤزونو کسمه‌مه‌یه قرار وئریبلر»، - معلومات‌دا قید اولونوب.

نروژین باش ناظری یوناس قار ایستؤری قزئتین معلوماتینی تکزیب ائدیب و بیلدیریب کی، پوتین وضعیتله باغلی اؤز وئرسیاسینی تقدیم ائتمک امکانی ایسته‌ییب و بو کونتکستده ۲۰۱۴-جو ایلده‌ن بو گونه قدر اولان تاریخی دانیشیب.

قید ائدک کی، بیر نئچه گون اؤنجه روسیا پرزیدنتی ولادیمیر پوتین فینلاندیا پرزیدنتی آلکساندر ایستوب و نروژین باش ناظری یوناس قار ایستؤری ایله تلفن دانیشیغی آپارمیشدی.