هافتار بو گون فاکتیکی اولاراق کونجه سیخیشیب. بونو هم اؤزو، هم اونو دستکله‌یه‌ن قوه‌لر، هم ده لیوییانین میللی راضی‌لیق حکومتی یاخشی بیلیر. بونا گؤره ده هافتارین یئنی‌دن گوجله‌نمه‌سینه یول وئریلمه‌یه‌جک. هافتارین آتشکس تکلیفینین قبول ائدیلمه‌مه‌سی لیوییانین میللی راضی‌لیق حکومتینین قطعی شکیل‌ده هافتاری مغلوب ائتمک نیتینی اورتایا قویور.

بو سؤزلری آخار. آذ-آ آچیقلاماسین‌دا سیاسی اکسپئرت ووقار زیفروغ‌لو لیوییا میللی اوردوسونون مارشالی خلیفه هافتارین اؤلکه‌ده آتشین دایاندیریلماسی تکلیفینی لیوییا میللی راضی‌لیق حکومتی طرفین‌دن قبول ائدیلمه‌مه‌سینی شرح ائدرکه‌ن دئییب. او بیلدیریب کی، لیوییا میللی راضی‌لیق حکومتی هافتارا قطعیا گوونمیر:

«لیوییادا سون بئش آیدا گئدن سیاسی پروسئسلر اونو گؤستریر کی، لیوییانین میللی راضی‌لیق حکومتی اوستونلویو اله آلا بیلیب. هافتار ایسه مؤوجود وضعیت‌دن چیخیش یولو آختاریر. او، مدافعه مؤوقعین‌ده‌دیر و متفیقلرین‌دن دستک گؤزلییر. بونون اوچون ایسه واخت آزدیر».

اکسپئرت بیلدیریب کی، هافتارین رامازان بایرامی ایله علاقدار تکلیف ائتدیی آتشکس اؤز مؤقعلرینی گوجله‌ندیرمک و متفیقلرین‌دن دستک آلماق مقصدی داشیییر:

«مناقیشه‌نین موختلیف زامانلارین‌دا بنزر آتشکس تکلیفلری اولوب. یعنی بوردا یئنی بیر شئی یوخ‌دور. حتی اونو دا دئییم کی، بو آتشکس راضیلاشمالارینی هر دفعه هافتار پوزوردو. بو معنادا سراج حکومتینین آتشکه‌سه راضی اولماماسی طبیعی‌دیر. دیگر طرف‌دن ایلک دفعه‌دیر کی، هافتار آتشکس تکلیفی ائدیر. بو فاکت بئله هافتارین لیوییادا اوستونلویو ایتیردیینی ثبوت ائدیر.

دوشونوره‌م کی، هافتارین رمضان بایرامی آدی آلتین‌دا آتشکس تکلیفی ساده حیله‌دن، واخت قازانماق‌دان باشقا بیر شئی دئییل».