تفلیسده بین‌الخالق سوییه‌لی یئنی هوالیمانی تیکیلمه‌سی پلانلاشدیریلیر.

Axar.az خبر وئریر کی، بو سؤزلری گورجوستانین باش ناظری ایراکلی قاریباشویلی دئییب.

اونون سؤزلرینه گؤره، هوا لیمانی کئچمیش «وازیانی» هوالیمانینین یئرینده تیکیلجک:

«بو، ترانزیت و لوگیستیکا هوا لیمانی اولمالیدیر. بیز ایکی واریانت اوزرینده ایشلییریک: بیری مؤوجود هوا لیمانینین انکشافی و گئنیشلندیریلمه‌سیدیر. آنجاق بو هوا لیمانینین چاتیشمازلیقلاری، محدودیتلری وار و حقیقتا بؤیوک انکشافا امکان وئرمیر. اوسته‌لیک، بیز رگیوندا آویاسییا قووشاغینا چئوریلمک ایستییریکسه، بو هوالیمانی و اونون اراضی‌سی بونا امکان وئرمیر. اونا گؤره ده یئنی هوا لیمانی لازمدیر. تفلیسده بئله بیر یئر کئچمیش «وازیانی» هوا لمانیدیر. منیم تاپشیریغیملا اقتصادیات ناظرلیی بو استقامتده فعال ایش آپاریر».

قید ائدک کی، تفلیسده حاضردا شوتا روستاوئلی بین‌الخالق هوا لیمانینی تورکیه‌نین تاو هوا لیمانلاری هلدینگی اداره ائدیر. او، ۲۰۰۷-جی ایلده مدرنلشدیریلیب، توتومو ایلده تخمیناً ۳،۵ میلیون سرنیشیندیر.