اوزاق‌منزللی «تاوروس» راکتلری اوکراینا سلاح‌لی قوه‌لری اوچون جبهه‌نین درینلیینده روس قوشونلارینین مادی-تکنیکی اینفراستروکتورونو محو ائتمک اوچون چوخ واجبدیر.

Axar.az خبر وئریر کی، بونو اوکراینانین «بیرگه فعالیت مرکزی»نین رهبری اولگ ریباچوک دئییب.

«اگر بیز جنوبدا عکس-هجومدان دانیشیریقسا، بو راکتلر کریمین ایسته‌نیلن نقطه‌سینه چاتماق اوچون بیر فرصتدیر. اوکراینا داها بؤیوک اوچوش مسافه‌سینه مالک راکتلره آرخالانا بیلر، لاکن ایندی کیئو اوچون ان واجب اولان بوتون کریمی تام شکلده وورماقدیر. یاریمادانین پاییزدا آزاد اولونا بیلجیی کفایت قدر رئالدیر. اوکراینا اوچون پاییز کرملدن قات-قات جلب‌ائدیجی گؤرونور»، - ریباچوک بیلدیریب.

قید ائدک کی، آلمانییا استحصالی اولان «تاوروس» اوزاق‌منزللی راکتلری ۵۰۰ کیلومتر اوچوش مسافه‌سینه مالکدیر. حرب‌چیلر «تاوروس» راکتلرینی ان قورونان اوبیکتلری و استحکاملاری یوکسک دقیق‌لیکله وورماق قابیلیتینه گؤره "بونکر قاتیلی" آدلاندیریرلار.

آلمانییانین آرسنالیندا ۳۰۰-ا قدر بئله راکتلرین اولدوغو بیلدیریلیر.