دوشونوروک کی، ایلک نؤوبه‌ده قاراباغ‌داکی ارمنی ساکنلرین گئری قایتاریلما حقوقونون تامین ائدیلمه‌سی چوخ واجبدیر.

Axar.az خبر وئریر کی، بونو آوروپا بیرلیی-نین جنوبی قافقاز اوزره خصوصی نماینده‌سی تویوو کلار ارمنی مطبوعاتینا مصاحبه‌سینده دئییب.

کلارین سؤزلرینه گؤره، همین ساکنلرین گئری قاییتماق ایستمه‌لری اوچون کفایت قدر تهلوکه‌سیزلیک حسی یارادان شرایط اولمالیدیر:

«آوروپا بیرلیی پرسپکتیویندن چوخ آیدین شکلده بیلدیرمیشیک کی، بوتون کؤچکونلر ایستسه‌لر، تهلوکه‌سیز شکلده ایلکین یاشاییش یئرلرینه قاییدا بیلملیدیرلر. بو معنادا بیز بو پروبلمی مختلف پلاتفورمالاردا قالدیردیق. حساب ائدیریک کی، بو، حل ائدیلمه‌لی اولان چوخ مهم مسئله‌دیر. اما طبیعی کی، انسانلار ایستمه‌سه، هئچ کس گئری قاییتماغا مجبور ائدیله بیلمز. آنجاق گئری قاییتماق ایسته‌ینلر وارسا، اونلارین اکثریتینین قاییتماق قرارینا گلمه‌سینه امکان وئرجک شرایطین یارادیلماسی اوچون هر جور سعی گؤستریلمه‌لیدیر».

تویوو کلار ارمنی ژورنالیستین قاراباغ‌داکی سپارات‌چیلارین آذربایجان حقوق-محافظه ارگانلاری طرفیندن ساخلانیلماسی ایله باغلی وئردیی سوالی جوابلاندیرماییب.