ناتو-نون باش کاتبی پستونا نیدرلاند باش ناظیری مارک روتنی دستکله‌یه‌ن آمریکا پرزیدنتی جو بایدن شرقی آوروپایا گؤزلنیلمز سیگنال گؤندریب.

Axar.az خبر وئریر کی، بونو "آمریکان کنسرواتیو" ژورنالینین باش رئداکتورو سومانترا مایترا دئییب.

«بایدن ماراقلی حسابلاما آپاردی. آوروپانین لیدری قسمینده او، کهنه آوروپانی دستکله‌دی، کئچمیش کمونیست بلوکونو دئییل. بو، گوج نمایشی و شرقه تونونو آزالتماسی اوچون بیر سیگنال‌دیر»، - مایترا بیلدیریب.

اونون سؤزلرینه گؤره، ناتو باش کاتبی پستونا استونیا باش ناظیری کایا کالاسین و یا کانادا باش ناظیرینین معاونی خریستی فریلاندین تعیین اولونماسی مسکوا ایله داها بؤیوک مناقشه‌یه گتیریب چیخارا بیلردی.