یوخاری

اسرائیلین ایران کونسوللوغونا ضربه‌سینده شوک دئتال – فوتو

آنا صحیفه پلانت
12 Punto 14 Punto 16 Punto 18 Punto

خبر وئردییمیز کیمی، اؤتن گون ایسرایل آویاسییاسی دمشق‌ده‌کی ایران کونسوللوغونون بیناسینا ضربه ائندیریب.

Axar.az خبر وئریر کی، ایرانین سورییاداکی سفیری حسین اکبری اسرائیلین اف-۳۵ قیریجیلاریندان ۵ راکت آتدیغینی و کونسوللوق بیناسینین تمامیله دارماداغین ائدیلدیینی بیلدیریب.

اونون سؤزلرینه گؤره، ایران‌لی دیپلماتلار اؤلوب، دقیق نه قدر آدامین اؤلدویو داغینتیلار تام تمیزلندیکدن سونرا بیلینه‌جک.

سپاه ایسه آرتیق ایکی گنرالینین، ۵ ظابطینین اؤلدویونو تصدیقله‌ییب.

اسرائیلین ضربه‌سی ایله باغلی اولدوقجا ایلگینج معلومات ایسه ایران سفیرلیینین یئرلشدیی بینادیر. بئله کی، سوندا تقدیم ائتدییمیز فوتولاردان و خریطه‌دن ده گؤرونور کی، دمشقین غربین‌ده یئرلشن ایران کونسول‌لوغو ایران سفیرلییی ایله کانادا سفیرلیینین دوز اورتاسیندادیر و دئمک اولار کی، آراسیندا مسافه یوخدور.

اسرائیل ضربه ائندیردیی واخت کونسوللوق اراضی‌سینده سپاه-ین مشهور بریگادا گنرالی زاهدی و معاوینی، او جمله‌دن یوکسک روتبه‌لی ظابطلر اورادا اولوب.

بئله معلوم اولور کی، اسرائیل دقیق کشفیات معلوماتی ایله حرکت ائدیب، کونسوللوقدا مهم توپلانتی اولدوغونو بیلیب و ایکی سفیرلیین آراسیندا یئرلشن کونسوللوق بیناسینا آردیجیل ۵ اولدوقجا دقیق ضربه ائندیریب. کونسوللوق بیناسی محو ائدیلرکه‌ن ایران سفیرلیینین بیناسینین شوشه‌لری قیریلسا، معین خیردا داغینتیلار اولسا دا، کانادا سفیرلیینین بیناسیندا هر هانسی ضررلر باره‌ده هئچ بیر آچیقلاما یوخدور.

بو ایسه او دئمکدیر کی، اسرائیل ۵ راکتین هامی‌سینی «نقطه آتیشی» ایله اجرا ائدیب و بیر متر ساپما دا یوخدور. عینی زاماندا، ضربه استقامتی ائله سئچیلیب کی، کانادا سفیرلییی زده‌له‌نمه‌سین.

تاریخ
2024.04.02 / 10:23
مولف
Axar.az
شرح لر
دیگر خبرلر

آلمانیادان وطنداشلارا خبردارلیق: ایرانی ترک ائدین!

داها ۲ ارمنی حربچی‌سی یارالاندی

روسیا حکومتیندن ساکنلره: تعجیلی ائولرینیزی ترک ائدین!

آمریکا-دان حماس کماندیرلرینه قارشی سانکسییا

ت.ر.ت-نین امکداشی غزه‌ده یارالاندی

بایدن‌دن ایرانا خبردارلیق: اسرائیله هجوم ائتسه‌نیز...

هیندیستان‌دا معبد انسانلارین اوزرینه آشدی - ویدئو

داها بیر اؤلکه‌دن چاغیریش: ایران و اسرائیله سفر ائتمه‌یین!

تاژانی عبداللهیانلا دانیشدی: گرگینلیین آزالدیلماسی...

لیوان‌دان اسرائیله ۴۰ راکت آتیلدی

خبر خطّی
Axar.az'da reklam Bağla
Reklam
Bize yazin Bağla