آنا صحیفه پلانت |
ارمنستانین باش ناظری، آمریکا دولت کاتیبی و آوروپا کومیسسییاسینین رهبرینین گؤروشو ارمنستانین غرب اویونلارینا قاریشماسینین مرحلهلریندن بیریدیر. روسیا نهایت نه باش وئردیینی آنلادی.
Axar.az خبر وئریر کی، بونو آیی انستیتوتونون دیرکتورو، روسییالی پولیتولوق ولادیمیر لئپئخین ارمنی مئدیاسینا مصاحیبهسینده دئییب.
اونون سؤزلرینه گؤره، روسییادا اوزون مدت پاشینیانین غربه دوغرو آددیملارینین تصادف اولدوغونو دوشونوردولر:
«ایندی نهایت باشا دوشورلر کی، ایرانا قارشی محاربهیه حاضرلیق گئدیر. ارمنستان ایرانا قارشی محاربه اوچون پلاسدارم اولور. بو گؤروشلر تحریکائدیجی کاراکتر داشیییر. آورواینتئگراسییا، ناتو-نون مدافعهسی، ارمنستانین سیویل دولتلر عائلهسینه قبولو ایله باغلی وعدلر وئریلیر. اصلینده ارمنستاندان سادهجه اولاراق غرب قوهلرینین ماراقلاری اوچون استفاده اولونور».
اونون فیکرنجه، ارمنستان بوندان داخیلده و جنوبی قافقازدا وضعیتین علاوه دئثتابیللشدیریلمهسیندن باشقا هئچ نه قازانمایاجاق.
لئپئخین حساب ائدیر کی، ایرانا یاخینلاشماغین یگانه یولو ارمنستاندان کئچیر:
«بو گؤروش غربین جنوبی قافقازدا اؤز موقعلرینی گوجلهندیرمک باخیمیندان و رئگیونو اسرائیلله بیرلیکده اؤز گئوسییاسی ماراقلارینا اویغون نظارت آلتینا آلماق اوچون آردیجیل سیاسی خطی چرچیوهسینده نظردن کئچیرمهلیدیر».
ائکسپرت آذربایجان و تورکییهنین ۲۰۲۰-جی ایلده اکسپانسییاسینین ارمنستانا قارشی دئییل، داها چوخ روسییایا قارشی یؤنلدیینه امینلیینی ده افاده ائدیب. او قید ائدیب کی، سون اوچ ایلده روسییا فاکتیکی اولاراق جنوبی قافقازدان سیخیشدیریلیب و ایندی نؤوبه ایراندادیر:
«روسییانین هله جنوبی قافقازلا باغلی موقعیی یوخدور و هئچ نه ائده بیلمز. اگر روسییانین خارجی سیاستی میللی ماراقلارین پریوریتئتینه دوغرو دییشرسه، او، جنوبی قافقازا قاییتماغا جهد ائده بیلر، اما ایندی یوخ».
او وورغولاییب کی، غرب حاضردا بیر نئچه استقامتده، او جملهدن فلیسطینلیلرین اسرائیلدن تمیزلهنمهسی ایله بؤیوک اسرائیل لاییحهسینین حیاتا کئچیریلمهسی یولو ایله گئنیشلهنیر:
«ایکینجی وظیفه ایرانا یاخینلاشماق و اونون تأثیرینی مینیموما ائندیرمک اوچون اونو حربی عملیاتلارا تحریک ائتمک و اولا بیلسین کی، بیر فاکتور کیمی ایرانی محو ائتمکدیر.
روسییایا گلدیکده ایسه ایکینجی مرحلهیه کئچید حاضرلانیر - روسییا فدراسییاسینین ناتو ایله، اولا بیلسین کی، بالتیکیانی رئگیوندا، پولشادا، رومینییادا قارشیدورمایا جلب ائدیلمهسی پلانلاشدیریلیر.
جنوبی قافقازا گلینجه، پریوریتئت وظیفه رئگیون اؤلکهلرینی ایرانلا قارشیدورمایا جلب ائتمکدیر. ناتو ارمنستان واسطهسیله رئگیونا نفوذ ائتمهلی و ایرانی تخریباتا چکمهلیدیر.
نیه غربین ارمنستانلا امکداشلیغا احتیاجی وار؟
ارمنستاندان استفاده اولوناجاق. پاشینیانا و اطرافینا پول، کرئدیت، خارجی اؤلکهلره سفرلر و بعضی تشکیلاتلاردا اشتیراک وعد ائدیلیب. لاکین رئاللیقدا صحبت ارمنستانین آردیجیل اولاراق غربین مستملکهسینه چئوریلمهسیندن گئدیر. غربین جغرافی موقعییندن باشقا ارمنستان نیینه لازیمدیر؟ بو جغرافی موقع ایرانا هجوم ائتمک اوچون استفاده اولوناجاق.
ارمنستاندان غرب دولتلرینین، ایلک نؤوبهده اینگیلترهنین ماراقلاری اوچون استفاده اولوناجاق. لندن ۲۰۱۸-جی ایلده ارمنستاندا دولت چئوریلیشی تشکیل ائدیب، اؤز آداملارینی اؤلکه باشینا قویوب و ارمنستانی گئت-گئده اؤز ماراقلارینین اویونجاغینا چئویریر».
تاریخ
2024.04.06 / 10:45
|
مولف
Axar.az
|