تورکسوی اؤلکه‌لرینین دستیی ایله ملا نصرالدین حاقین‌دا فیلم چکیله‌جک

Kilt.az خبر وئریر کی، تورکسوی-آ عضو اؤلکه‌لرین مدنیت ناظرلری دایمی شوراسینین ۴۰-جی اجلاسیندا "ملا نصرالدین، چتین گونلریمین دوستو" آدلی تام متراژلی بدیعی فیلمین بیرگه ایستحصالی قرارا آلینیب.

فیلمین قورولوش‌چو رئژیسسورو خالق آرتیستی واقیف مصطفی‌یئودیر.

فیلمین چکیلیشلرینین آذربایجان، تورکییه، اؤزبکیستان، قازاخیستان، ترکمنستان و قیرغیزیستان اراضی‌سینده آپاریلماسی و هر بیر اؤلکه‌ده حیاتا کئچیریله‌جک چکیلیشلری همین اؤلکه‌نین مالیه‌لشدیرمه‌سی ایله باغلی راضیلیغا گلینیب.

فیلمین تورک دولتلری کینماتوگراف‌چیلارینین اشتراکی ایله حیاتا کئچیریله‌جک ایستحصالینا آذربایجان طرفدن مسئول قوروم اولان " نصرالدین پرودوکشن" شیرکتی طرفین‌دن ایستحصالین ایلکین حاضرلیق ایشلری گؤرولوب، چکیلیشلر آپاریلاجاق تورک دولتلرین‌ده مکانلارین سئچیلمه‌سی، یارادیجی هئیت عضولرینین معین اولونماسی، گئییم و رکویزیتلرین حاضرلانماسی و س. استقامتلرده بیر چوخ ایشلر حیاتا کئچیریلیب.

فیلمین رژیسورو خالق آرتیستی واقیف مصتفی‌یئو فیلمین چکیلمه‌سی پلانینین شوشادا قرارلاشدیریلدیغینی دئییب.

فیلمین چکیلیشلرینین آوگوست‌دا باشلانماسی پلانلاشدیریلیر.