ارمنیستان طرفینین سون بیر نئچه گون عرضینده منتظم شکیل‌ده سلاحلی قوه‌لریمیزین بؤلمه‌لرینه قارشی تؤرتدیی حربی تخریباتلاردان، مختلیف استقامتلرده حربی قوه‌لر جملع‌شدیرمک کیمی آددیملاریندان فکر یاییندیرماق مقصدیله ارمنیستان خاریجی ایشلر ناظیرلیینین اؤلکه‌میزی مقضدیؤنلو شکیل‌ده وضعیتی گرگینلشدیرمکده تقصیرله‌ندیرمه‌سی قبول ائدیلمزدیر و اونلارین بو ادعالارینین هئچ بیر اساسی یوخدور.

Axar.az خبر وئریر کی، بونو خاریجی ایشلر ناظیرلیینین مطبوعات کاتیبی آیخان حاجی‌زاده ارمنیستانین حربی تخریباتلار ایله باغلی بیاناتینا مناسیبت بیلدیررکه‌ن دئییب.

«آذربایجانلا سرحدیانی بؤلگه‌لرده ارمنیستان طرفیندن حربی استحکاملار قورولماسینین حربی اصلاحاتلار ایله علاقه‌لندیریلمه‌سینه، بونونلا یاناشی، ارمنیستان طرفیندن کوتلوی سلاحلانما سیاستینین اونلارین سوورن حقوقو اولماسی باره‌ده فکرلره گلدیک‌ده، محض نیه گؤره ارمنیستان طرفیندن بو آددیملارین آتیلماسینین غیری-لگیتیم اولدوغو و اؤلکه‌میزه قارشی تهلوکه یاراتدیغی هر کسه آیدین اولمالیدیر.

بئله کی، ارمنیستان کونستیتوسییاسین‌دا، هابئله بیر سیرا قانون وئریجی‌لیک آکتلارین‌دا آذربایجانین اراضی بوتولویو و سوورنلیینه قارشی داوام ائد‌ن ادعالار، روانشیزم جهدلرینین موجودلوغو اؤلکه‌میزه قارشی ارمنیستان‌دان ایر‌لی گلن تهدیدلرین میقیاسینی نماییش ائتدیریر.

بوندان علاوه، ارمنیستان‌دا حربی امکان اولان زامان، بو اؤلکه‌نین آذربایجانین سوورن اراضیلرینی ۳۰ ایل عرضین‌ده ایشغال ائتدیی نظره آلیناراق، ارمنیستانا علاوه حربی گوج قازاندیرماق سعیلرینین اونلارین یئنی گرگینلیک و تهدید منبعینه چئوریلمه‌سینه شرایط یاراداجاغی شبهه دوغورمامالیدیر.

ارمنیستاندان فرقلی اولاراق ایسه آذربایجان تام حربی اوستونلویو ایله سوورن اراضیلرینی بین‌الخالق حقوقا اویغون اولاراق اشغال‌دان آزاد ائتدی و ارمنیستانین اراضیلرینه قارشی تهدید تؤرتمه‌دی.

قید ائدیلن چاغیریشلار فونوندا، مختلف بهانه‌لر گتیرمکله ارمنیستانین آقرسیو سلاحلانماسی تهدید منبعی‌دیر و ارمنیستانا بو تهلوکه‌لی یولدان چکینمه‌یه چاغیریش ائدیلمه‌سی ضروری‌دیر.

۳۰ ایل عرضین‌ده محض طرف اولدوغو بین‌الخالق مقاویله‌لر و سلاحلارا نظارت مکانیزملری چرچیوه‌سینده عهده‌لیکلرینی کوبود شکیلده پوزان، اراضیلریمیزین اشغالی مدتینده اکثر حربی تکنیکاسینی و سلاح سیستملرینی اؤلکه‌میزین اراضی‌سینده غیری-قانونی یئرلشدیرمکله اونلاری بین‌الخالق سلاحلارا نظارت مکانیزملریندن گیزله‌دن، بو گون دفعه‌لرله ایستیناد ائتدیی آلما-آتا بیان‌نامه‌سینه ضد اولاراق آذربایجانین اراضی بوتؤولویو و سوورنلیینه حرمت ائتمه‌یه‌ن ارمنیستان طرفینین ایندی سلاحلارا نظارت و هجوم ائتمه‌مک پاکتی کیمی غیری-جدی فکرلر سسلندیرمه‌سی سیاسی مانیپولیاسییادیر.

ارمنیستانین صلح پروسسینه جدی یاناشدیغینی ثبوت ائتمک اوچون ضدیتلی بیاناتلار و تخریباتچی آددیملاردان چکینمه‌لی، بین‌الخالق حقوقون نورما و پرینسیپلرینه حرمت ائتمه‌لیدیر.

آذربایجان اؤز نوبه‌سینده، بؤلگه‌ده اونا قارشی تهدیدلرین قارشی‌سینی جدی شکیلده آلاجاق، صلح و قوروجولوق سعیلرینی داوام ائتدیره‌جک»، - خاریجی ایشلر ناظیرلیییینین رسمی‌سی وورغولاییب.