آمریکا و آوروپا بیرلییی (آب) جنوبی قفقازدا یئنی بؤیوک یانغینی آلوولاندیرماق ایستییر و ارمنیستان بو مسئله‌ده آلت رولونو اویناییر.

Axar.az خبر وئریر کی، بونو روسییا خاریجی ایشلر ناظیرلیینین رسمی نماینده‌سی مارییا زاخارووا بریفینگ زمانی دئییب.

اونون سؤزلرینه گؤره، آمریکا و کولکتیو غرب یالنیز مناقیشه‌لری آلوولاندیرماغی باجاریر:

«اونلار اؤلکه‌لری باریشدیرماغی، مناقیشه‌لری نظاملاماغی، قان تؤکولمه‌سینی دایاندیرماغی بیلمیرلر».

«آپرلین ۵-ده بروکسل‌ده کئچیریلن گؤروش زامانی ارمنیستانا «بویلدینگ آرمنیاس دفنس اند سکوریتی رسیلینس» آدلی پلانین (روسییا حربی بازاسینین و روسییالی سرحدچیلرین آمریکا-آوروپا بیرلیییی-ناتو قوه‌لری ایله عوض ائدیلمه‌سینی، اونلارین ارمنیستان سرحدینده آذربایجان و ایرانا قارشی تخریبات ایشلرینی گئنیشلندیرمه‌لرینین، همچینین «متسامور» اتم الکتریک ایستانسییاسینین سؤکولمه‌سی یولو ایله ارمنیستانین مهم اینفراستروکتورونون و انرژی سیستمینین یئنیدن استقامتلندیریلمه‌سینی اؤزونده احتیوا ائدیر) زورلا قبول ائتدیریلمه‌سی اوزه چیخارسا، تعجبلنمه‌یه‌جییک»، - او وورغولاییب.

زاخارووا قید ائدیب کی، واشینگتن و بروکسل ارمنیستانلا روسییا آراسیندا هم تهلوکه‌سیزلیک، هم ده اقتصادیات ساحه‌سینده بوتون علاقه‌لری محو ائتمیی، کولکتیو تهلوکه‌سیزلیک مقاویله‌سی تشکیلاتی و آوراسییا اقتصادی اتفاقینا اساس‌لانان رگیونال تهلوکه‌سیزلیک و اقتصادی طرفداشلیق مکانیزملرینی ضعیفلتمیی قارشیلارینا مقصد قویوبلار:

«غرب اؤلکه‌لری جنوبی قفقازدا صلح حاقیندا نه قدر خوش سؤزلر دئسه‌لر ده، آذربایجان، ارمنیستان، گرجستان، ایران، روسییا و تورکییه کیمی ان یاخین قونشولاری بیر-بیرینه قارشی قویماغا جان آتیر».