آذربایجان اسرائیلده‌کی سفیرینی گئری چاغیریب.

Axar.az خبر وئریر کی، بو ادعانی پولیتولوق محمد اسدالله زاده پایلاشیب.

او بیلدیریب کی، اسرائیل حکومتینین قوندارما «ارمنی سویقیریمی»نی تانیماسی، تورکیه‌یه قارشی دشمنچی‌لیک سیاستی آذربایجاندا ناراحاتلیق یارادیب:

«اسرائیلین باش ناظیری بنیامین نتانیاهونون تحریکی ایله قبول ائدیله‌ن بو قوندارما «سویقیریم» قطعنامه‌سی بیرباشا آذربایجان-ارمنستان نرماللاشما پروسسینه ده ضربه وورور. ارمنستان باش ناظیری پاشینیان اسرائیلین "قوندارما سویقیریم" قرارینا دستک وئرمه‌دی و قینادی».

پولیتولوق وورغولاییب کی، عمومیتله، تورکیه اسرائیلین علیه‌اینه دئییل، آنجاق فلسطینده، سوریادا و لبناندا اشغالچی سیاسته قارشیدیر:

«یاخین شرق تورکیه‌نین تهلوکه‌سیزلیی اوچون مهم بیر رگیوندور. محض تورکیه بو رگیونون تهلوکه‌سیزلیی و رفاهی اوچون چالیشیر. اما اسرائیلین حیاتا کئچیردیی سیاست بونون تام عکسینه‌دیر».

پولیتولوق سوندا علاوه ائدیب کی، آذربایجان دوزگون سیاست یورودور.

خاطیرلاداق کی، آذربایجانین اسرائیلدن اؤز سفیرینی مصلحتلشمه‌لر اوچون گئری چاغیردیغی باره‌ده هئچ بیر رسمی معلومات یوخدور.