آنا صحیفه پلانت |
آلمانیانین خارجی ایشلر ناظیری آنالنا بربوک و اسرائیلین باش ناظیری بنیامین نتانیاهو آراسیندا غزه زولاغینداکی محاربه ایله باغلی قیزغین مباحثه یاشانیب.
Axar.az خبر وئریر کی، بو بارهده اسرائیلین «کانال ۱۳» تلکانالینین ژورنالیستی موریا آساد ولبرگ دئییب.
او بیلدیریب کی، سیاستچیلر بیر-بیریلرینه قارشی اولدوقجا آغیر اتهاملار سسلندیریبلر.
مباحثهیه سبب اسرائیلین طرفینین آلمان ناظیره غزهدن گؤستردیی گؤرونتولرله باغلی اولوب.
بئله کی، ویدئودا غزه زولاغیندا بازارلار، اورادا خیلی ارزاق محصوللارینین اولدوغو گؤرونور.
ادعا ائدیلیر کی، بو یوللا اسرائیل طرفی بربوکا ثبوت ائتمک ایستهییب کی، غزهده آجلیق پروبلمی آوروپا اؤلکهلری رسمیلرینین دوشوندویو قدر کسکین دئییل.
بربوک دا اؤز نوبهسینده غزه زولاغیندا ارزاقلا باغلی وضعیتین فلاکتلی اولدوغونو تاکید ائدرک، اسرائیل طرفینه غزه زولاغیندا آجلیق چکهن اوشاقلارین فوتوشکللرینی ده گؤستره بیلجیینی بیلدیریب.
محض بوندان سونرا طرفلر آراسیندا کسکین دبات باشلاییب.
«کانال ۱۳»اون امکداشینین سؤزلرینه گؤره، نتانیاهو حتی اموسییالارا قاپیلاراق اسرائیللیلرین ناسیستلره بنزمدیینی بیلدیریب.
قید ائدک کی، بیلد نشری ده سیاستچیلر آراسیندا مباحثه اولدوغونو تصدیقلهییب.
تاریخ
2024.04.19 / 20:51
|
مولف
کامران عدالت
|