واشینگتن روسییانین آکتیولری ایله باغلی قانون‌سوز قرار قبول ائد‌رک، اونلارین اوغورلانماسینا یول وئریب. ایندی روسیانین خاریجی آکتیولرله باغلی سیمتریک قرارلار قبول ائتمک اوچون هر جور اساسی وار.

Axar.az خبر وئریر کی، بونو روسییا دولت دوماسینین ایسپیکری ویاچسلاو وولودین دئییب.

«واشینگتن اوغورلوق ائد‌رک آچیق شکیلده غیری-قانونی قرار وئردی. بو، شبهه‌سیز کی، دیگر دولتلرین، بیزنسلرین و اؤزل اینوستورلارین آمریکایا اولان اینامینی سارسی‌داجاق، بوتون گلوبال مالیه سیستمینین اساسلاندیغی مولکیت توخونولمازلیغی پرینسیپینی محو ائد‌جک»، - او بیلدیریب.

اونون فکرینجه، بئله بیر قرار پریسدنت یاراداراق بین‌لخالق حقوقا دوزلمز زیان ووراجاق:

«ایسته‌نیله‌ن دولتین ده بونو ائتمک حقوقو اولاجاق. اؤلکه‌میزین ایندی خاریجی آکتیولرله باغلی سیمتریک قرارلار قبول ائتمک اوچون بوتون اساسلاری وار. آمریکا روسیانین آکتیولرینین مصادیره‌سی حاقیندا قانون قبول ائتمکله آوروپا بیرلیییینی ده عینی آددیمی آتماغا تحریک ائتمک نیتینده‌دیر، بو، آوروپا اقتصادیاتی اوچون داغیدیجی اولاجاق».