آنا صحیفه پلانت |
هم فرانسا، هم ده دیگر اؤلکهلردن گلن سلاح-سورسات و حربی تکنیکانین گورجوستان اوزریندن ارمنیستانا داشینماسی اولجهدن پلانلاشدیریلیب و حیاتا کئچیریلیر. تام دقیق معلومات اولماسا دا، سونونجو داشینمانین دا همین پلان چرچیوهسینده آپاریلدیغینی احتمال ائدیرم.
بو سؤزلری Axar.az-آ گورجوستاندا دمیر یولو ایله آپاریلان حربی داشینمالار حاقیندا دانیشان احتیاطدا اولان پولکوونیک، حربی اکسپرت عزیر جعفروو دئییب.
حربی اکسپرت داشینان هاوبیتسالارین اوزاقمنزللی اولماسینا دقتی چکیب:
«گؤرونتولردن داشینان آغیر آرتیللرییا قورغولارینین اوزاقمنزللی اولدوغو بللیدیر. داشینان آغیر آرتیللرییا تانک دئییل، اؤزویئرییهن هاوبیتسالاردیر. اونلارین آتش مسافهسی ۵۰-۷۰ کیلومتر و بعضا داها آرتیق اولور. آغیر آرتیللرییانین داها چوخ عینی نوعده اولماسی، بعضیلرینین ایسه اوزرینین اؤرتولمهسی هاوبیتسالارین ساتیش مقصدیله گؤندریلمهسینی گؤستریر. البته، بورادا دیگر احتمال هانسیسا تعلیملرین کئچیریلمهسی ده اولا بیلر. چونکی بؤلگهمیزده معین تعلیملر ده گؤزلنیلیر. لاکن فکریمجه، حربی تکنیکانین داها چوخ عینی نوعدن اولماسی، اوستهلیک دمیر یولو ایله داشینمایا اوستونلوک وئریلمهسی تعلیم احتمالینی آزالدیر. ایروانا ساتیلان حربی تکنیکا و سلاح-سورسات یالنیز مدافعه دئییل، عینی زماندا هجوم اوچون نظرده توتولوب. بحث ائتدییمیز مقام دا گؤندریلهن هاوبیتسالارین ساتیش مقصدلی اولدوغونو ثبوت ائدن دیگر بیر اؤنملی مقامدیر».
اکسپرت قید ائدیب کی، آذربایجان بوتون احتماللارا قارشی اؤز تدبیرلرینی منتظم اولاراق گؤرور:
«دولتیمیز بئله حساس مقامدا پروسسین یئنیدن گرگینلشمهمهسی اوچون هم ارمنیستانا، هم ده دیگر بوتون دولتلره لازمی خبردارلیغی ائدیب. آنجاق بو، تهلوکهنین تمامیله سوووشدوغو دئمک دئییل و دولتیمیز بوتون سناریلره قارشی پرونتیو تدبیرلر گؤرمهلی، بئله حاللارا قارشی معین آددیملار آتیلمالیدیر».
قید ائدک کی، بو گون گورجوستاندا دمیر یولو ایله زرهلی تکنیکانین داشیندیغینی عکس ائتدیرن گؤرونتولر یاییلیب. احتماللاردان بیری ده همین زرهلی تکنیکالارین ارمنیستانا داشینماسیدیر.
تاریخ
2024.04.24 / 20:21
|
مولف
Axar.az
|