آمریکا صلاحیت‌لیلری قززا زولاغین‌دا «شفا» و «ناصر» خسته‌خانالارینین اراضیلرینده تاپیلان کوتلوی مزارلارلا باغلی اسرائیل‌دن جواب و ایضاحات گؤزلییر.

Axar.az خبر وئریر کی، بونو آمریکا پرزیدنتینین ملی تهلوکه‌سیزلیک اوزره مشاویری جیک ساللیوان دئییب.

اونون سؤزلرینه گؤره، آمریکا آراشدیرما آپاریلماسینین ضروریلییی ایله راضی‌دیر:

«جوابلارا احتیاجیمیز وار. بیز هرطرف‌لی آراشدیرما گؤرمک ایستییریک. آمریکا بو مسئله‌ده اسرائیلله علاقه ساخلاییر».

قید ائدک کی، اؤتن هفته فلسطین فوق‌العاده حاللار خدمتلری خان یونس‌ده‌کی «ناصر» کومپلکسینده ۲۸۳ جسدین اولدوغو کوتلوی مزارلیق آشکار ائتدیینی بیلدیریب. عینی زامان‌دا، «شفا» خسته‌خانا کومپلکسینین یاخینلیغیندا دا ۳۸۰-دن چوخ جسد تاپیلمیشدی.