آنا صحیفه کولت |
۲۰۲۳-جو ایل «یازی آزادلیغی ایندئکسی»نه اساساً، ایران دنیا اوزره محبوس یازیچیلارین سایینا گؤره ایکینجی، قادین یازیچیلارین حبسینه گؤره ایسه بیرینجی یئری توتوب.
Kult.az خبر وئریر کی، بو بارهده آمریکا قلم آسسوسیاسییاسینین حساباتیندا دئییلیب.
بیلدیریلیب کی، ایران چیندن سونرا یازیچی و قلم آداملارینا ان چوخ تضییق گؤسترن، تعقیب ائدن اؤلکهدیر:
"۲۰۲۳-جو ایلده ایرانین آدی یئنه ده قادین یازیچیلاری حبس ائدن اؤلکهلرین باشیندا گلیب. اسلام رسپوبلیکاسی ۱۵ قادین یازیچینی حبس ائدیب، اونلارین اکثریتی قادینلارا قارشی مجبوری حجابا، همچینین دیگر آیری-سئچکیلیک قانونلاری بارهده یازدیقلارینا و اونا قارشی چیخدیقلارینا گؤره هله ده حبسدهدیرلر"،- حساباتدا قید اولونوب.
بیلدیریلیب کی، ۲۰۲۲-جی ایلین سنتیابریندا باشلایان عمومی اعتراض آکسییالاریندا حبس ائدیلن یازیچیلارین بیر قیسمی سونرادان ملکی ضمانت و گیروو قارشیلیغیندا سربست بوراخیلیب کی، بو، اونلارین داواملی اولاراق تهدید و تضییق آلتیندا اولماسی آنلامینا گلیر:
"اسلام رسپوبلیکاسینین رهبرلریندن طلب ائدیریک کی، حاقسیز یئره حبسه آتیلان یازیچیلاری آزاد ائتسین، یازیچی و صنعت آداملارینا قارشی تعقیبلری دایاندیرسین، اؤز ایستکلرینی ایفاده ائدن مخالیف فیکیرلیلرین سسینی کسمهسین"،- بیاناتدا وورغولانیب.
قید ائدک کی، انسان حاقلاری تشکیلاتلارینین وئردیی سون معلوماتلارا اساساً، ۲۰۲۳-جو ایلده ایراندا ۴۹ یازیچی حبس ائدیلیب.
تاریخ
2024.05.04 / 12:27
|
مولف
جاویدان
|