پاشینیان و حکومتی «فریدوم هاوس»اون ۲۰۲۳-جو ایلده ارمنیستان‌دا دموکراتیک اداره‌ائتمه ریتینگینین ۲،۵۰-دن ۲،۲۵-ا دوشدویو باره‌ده حساباتینی هله ده هزم ائتمه‌ییب. اوسته‌لیک، عینی اینسان حاقلاری تشکیلاتی غرب‌دن ایروانا نوبتی شیلله‌سینی ووروب، اونلار ارمنستان‌دا پلیس زوراکی‌لیغی خبرلریندن ناراحاتلیغینی افاده ائدیبلر.

Axar.az خبر وئریر کی، بو باره‌ده «پاست» قزئتی معلومات یاییب.

«آمریکا دولت دپارتامنتی اینسان حاقلاری ایله باغلی ایللیک حساباتینی آچیقلایاراق، ایروان طرفیندن ایشگه‌نجه، قددار، غیری-انسانی و یا لیاقتی آلچالدان رفتار، هابئله داوام ائد‌ن اساس‌سیز حبسلر باره‌ده اعتبارلی حساباتلار آلدیغینی وورغولاییر. غربین ایروانین اوزونه شیلله وورماسی و بیردن-بیره حقیقتله بیر آز دا اولسا اوز-اوزه گلمه‌یه قرار وئرمه‌سینین بیر نئچه واریانتی اولا بیلر. مثلاً، بو، پاشینیانا خبردارلیق اولا بیلر و یا اولا بیلسین کی، غرب ده پاشینیاندان الینی اوزوب»، - معلوماتدا دئییلیر.