آنا صحیفه پلانت |
پاشینیان دئدی کی، سرحد حتی کندین اورتاسیندان دا کئچه بیلر. پاشینیانین سؤزلرینی تکرار ائدیرم: دئدی کی، اورادا سرحدچی دایانا بیلر، ۷ گون تهلوکهسیز اولاجاق، اما ۸-جی گون تهلوکهسیز اولمایاجاق، من هارادان بیلیم؟
Axar.az خبر وئریر کی، بو سؤزلری مخالف «هایاستان» فراکسییاسیندان اولان ملت وکیلی گگام نازاریان کیرانتس کند ساکنلرینین باش ناظیر نیکول پاشینیانلا گؤروشو حاقدا دئییب.
او بیلدیریب کی، کیرانتسلیلار ایندی شوکدادیرلار، قاپینی آچیب آذربایجان عسگرینی گؤره بیلرلر.
اونون ادعاسینا گؤره، سرحد سووئت دورونده اولدوغو کیمی دئییل، «یئنی خطله» چکیلیر.
قید ائدک کی، تاووش رایونونون ارمنی ساکنلری قازاخین اشغالدا اولان ۷ کندیندن آنکلاو اولمایان ۴ کندینین قایتاریلماسینا اعتراض ائدیرلر. ۱۹۹۰-۹۲-جی ایللرده اشغال اولونان بو کندلرین ارمنیستان اراضیسینه هئچ بیر عایدیتی اولماماسینا باخمایاراق، مخالفتین قیزیشدیردیغی یئرلی ساکنلر اشغالی داوام ائتدیرمهیه تحریک ائدیرلر.
تاریخ
2024.04.29 / 23:14
|
مولف
Axar.az
|