ایرانین دینی لیدری علی خامنه‌‌ای‌نین اوفیسینین مطبوع اورگانی ساییلان «کیهان» قزئتینین آذربایجانی هده‌له‌یه‌ن مقاله یاییملاماسی قونشو اؤلکه‌نین آنتی‌آذربایجان سیاستین‌دن امتناع ائتمیجه‌یینین نوبتی اؤرنه‌یی‌دیر.

Axar.az خبر وئریر کی، بو سؤزلری پولیتولوگ الخان شاهینوغلو قید ائدیب.

«اگر اعتیناسیزلیق ائتسه‌نیز، اسرائیلدن سونرا نوبه سیزده‌دیر!» باشلیغی شانتاژ کاراکترلی مقاله‌ده آذربایجان‌دان اسرائیله نفت نقلینی دایاندیریلماسی طلب اولونوب. مقاله مؤلفی ادعا ائدیب کی، آذربایجان باکی-تیفلیس-جیحون بورو خطیله اسرائیله نفت ساتیشینی دایاندیرسا، گویا اسرائیل اقتصادیاتی چؤکه‌جک. آنجاق مقاله مؤلفینین «باکی-تیفلیس-جیحون دهلیزینین پوزولماسی صهیونیست رژیمین بوتون اقتصادیاتین‌دا بحرانا سبب اولا بیلر» جمله‌سینده‌کی «دهلیزین پوزولماسی» ایفاده‌سی باکییا چاغیریش‌دان چوخ ایرانا باغلی ترورچو و سلاح‌لی گروپلارا چاغیریش‌دیر کی، کنار قوه‌لر نقله مانع اولسونلار. ایران حوثیلر واسطه‌سیله قیرمیزی دنیزده‌کی داغیدیجی فعالیتینی ایندی ده آذربایجان و تورکییه اوزریندن رئاللاشدیرماق ایستییر. آلینمایاجاق.

باکی-تیفلیس-جیحون بورو خطین‌دن نفت آلان یالنیز اسرائیل دئییل. اسرائیله نفتی بیز ساتماساق، باشقالاری ساتاجاق. آذربایجان ب.ام.ت-دکی سس‌وئرمه‌ده فلسطینین مستقیللیینه سس وئریب، قزاداکی محاربه‌نین دایاندیرلماسینا طرفداردیر، گله‌جکده بؤلگه‌نین یئنی‌دن قورولماسیندا مالیه دستیی ده وئرمه‌یه حاضردیر. تهران بونلاری کنارا قویاراق، «آذربایجانا نئجه پیس‌لیک ائده بیلره‌م» دوشونجه‌سینده‌دیر»، - پولیتولوگ وورغولاییب.