آمریکانین ویته-پرزیدنتی کمالا هاریس، آوروپ بیرلیی‌ی، جنوبی آمریکا، یاخین شرق و آسییا اؤلکه‌لرینین لیدرلری ده داخیل اولماقلا ۱۰۰-دن چوخ دونیا لیدری ایونون ۱۵-ده اوکراینا صلح پلانی اوچون ایسوئچره‌ده بیر آرایا گله‌جک.

Axar.az خبر وئریر کی، بو باره‌ده «گاردیان» نشری معلومات یاییب.

معلوماتا گؤره، ایکی گونلوک صلح کنفرانسیندا کیئوین محاربه‌یه سون قویماق اوچون تکلیف ائتدیی ۱۰ بندلیک پلان، نووه تهلوکه‌سی، ارزاق تهلوکه‌سیزلییی و اوکراینانین هومانیتار احتیاجلاری مذاکیره اولوناجاق.

ساممیت اوکراینا اراضی‌سینده گئدن محاربه‌نین دایاندیریلماسی اوچون روسییایا تضییق گؤسترمک ماهیتی داشیییر.

کنفرانسین بازار گونو ایجلاسیندا سووره‌نلیک و اراضی بوتؤولویونو قوروماق، اونا حؤرمتله یاناشماق اوزره ب.م.ت پرینسیپلرینین اهمیتینه دقت یئتیریلجه‌یی گؤزله‌نیلیر.

صلح ساممیتین‌ده موسکوانین چین کیمی گوجلو متتفیقی کونفرانسین واخت ایتکیسی اولدوغونو، اونون طلبلرینه جاواب وئرمه‌دیینی اساس گتیره‌رک، ایشتیراک‌دان امتیناع ائدیب. چین اولمادان روسییانین بلوکادایا آلینماسی پلانلاری سویا دوشدویو اوچون کنفرانسین پتنسیال تاثیرلرینین آزالاجاغی احتیمال ائدیلیر. ساممیتین تشکیلات‌چیلاری چینین ایشتیراک ائتمه‌مک قرارینی تنقید ائدیبلر.