بیز اینانیریق کی، بو، (اورتا دهلیز لایحه‌سی – رئد.) بوتؤولوکده رگیون اوچون چوخ مهم بیر آددیم‌دیر. ایندیکی وضعیتده مرکزی آسیا دولتلری اخراجی روسیا و یا چین واسطه‌سیله حیاتا کئچیرمه‌لی اولورلار، بیر حصه‌سی ده خزر دنیزی واسطه‌سیله رئاللاشدیریلیر.

Axar.az خبر وئریر کی، بو سؤزلری آمریکا دولت کاتبینین آوروپا و آوراسیا مسئله‌لری اوزره کمکچی‌سی جیمز اوبراین ایونون ۲۸-ده ژورنالیستلره آچیقلاماسیندا سؤیله‌ییب.

او دئییب:

«بیز آذربایجانین خزر دنیزیندن کئچه‌ن مال و خدمتلرین گورجوستان اراضی‌سی واسطه‌سیله گلوبال بازارلارا چیخاریلماسی اوچون بؤیوک امکانلار گؤروروک. اما بیز هم ده اینانیریق کی، ارمنیستاندان کئچه‌رک تورکیه‌یه، قارا دنیزه، آتلانتیک اوکیانینا، اساساً ده آرالیق دنیزینه چیخماق اوچون بؤیوک امکانلار وار. بو فرصت داشیما خرجلرینی آشاغی سالماغا کمک ائد‌جک. بو، گئوسییاسی مداخله‌دن آزاد اولان تهلوکه‌سیز آلترناتیو یوللار تقدیم ائد‌جک. بوتون بونلار تاجیکیستاندان تورکیه‌یه قدر ۱۰ میلیونلارلا انسانین دهلیزین آچیلماسین‌دان فایدالاناجاغینی دوشونمک اوچون بؤیوک سببدیر. بیز اینانیریق کی، بو، بوتون ماراقلی طرفلرین راضی‌لیغی ایله ائدیلمه‌لیدیر و بیلیریک کی، بو، ارمنیستانلا آذربایجان آراسیندا آنلاشمادان باشلاییر».