آنا صحیفه پلانت |
آمریکانین رگیونداکی سیاستی جنوبی قفقاز خالقلارینین ماراقلارینی نظره آلمیر.
Axar.az خبر وئریر کی، بونو ایرانین ایروانداکی سفیری مهدی صبحانی واشینگتنون ارمنستان-آذربایجان پروسسینی دستکلهمهسی ایله باغلی بیاناتلارینی شرح ائدرکهن دئییب.
«ارمنستان و آذربایجانین صلحه نایل اولماق سعیلرینی آلقیشلاییریق. محاربهنین علیهینییک و صلح طرفداریییق. رگیوندا صلحه آلترناتیو یوخدور. بو، پرینسیپیال یاناشمامیزدیر. ایروانلا باکی آراسیندا دیالوگون طرفداریییق»، - او بیلدیریب.
صبحانی قید ائدیب کی، تهران واشینگتنا اعتبار ائتمیر:
«بؤیوک شیطان»(آمریکا - رئد.) بؤلگهیه داخیل اولماقلا اؤز مقصدلرینی گودور، خالقلارین صلح و تهلوکهسیزلییی اوچون سعی گؤسترمیر. مقصدلرینه چاتماق اوچون آمریکا مختلیف واسطهلردن استفاده ائدیر. اونلار جنوبی قفقازی باشقا اؤلکه ایله حسابلاشما پلاتفورماسینا چئویرمک ایستییرلر. «بؤیوک شیطان»لا باغلی تجروبهمیزی نظره آلساق، اونلارین ادعالارینا چوخ شبهه ایله یاناشیریق. ایران آمریکانین رگیون اؤلکهلری اوچون خیر ایستدیینه اینانمیر. بورادا هر هانسی بیر محاربه و یا گرگینلیک رگیونون بوتون اؤلکهلرینه تأثیر ائدجک».
اونون سؤزلرینه گؤره، رگیون اؤلکهلرینین داخیل اولدوغو ۳+۳ فورماتی اوزون مدتلی صلحه نایل اولماغا کمک ائده بیلر.
قید ائدک کی، آمریکانین ارمنیستاندا بؤیوک سفیرلییی، بیولابوراتورییالاری وار.
تاریخ
2024.07.05 / 17:02
|
مولف
زینب اکبر
|