بو گون گؤرکه‌م‌لی بستکار توفیق قولیئوین آنیم گونودور

Kult.az خبر وئریر کی، او، ۱۹۱۷-جی ایل نیابرین ۷-ده باکی شهرینده آنادان اولوب.

توفیق قولیئو ۱۲ یاشین‌دا آذربایجان دولت کنسرواتورییاسی یانیندا پئشه مکتبینه، ۱۹۳۴-جو ایلده کنسرواتورییایا داخیل اولوب. هم ای.س. آیسبرقین صینفین‌ده فورتپیانو، هم ده س.ق. ایشتراسرین صینفین‌ده دیریژورلوق درسی آلیب و ۱۹۳۶-جی ایلده کنسرواتورییانی بیتیریب.

۱۹۳۱-جی ایلده آصف زیناللینین مصلحتی ایله م.ا.صابیرین سؤزلرینه "مکتبلی" ماهنی‌سینی بسته‌له‌ییب. ۱۹۳۵-جی ایلده م.عزیزبیوو آدینا آذربایجان دؤلت درام تئاتریندا دیریژورلوغا باشلاییب. ۱۹۳۶-جی ایلده بسته‌کار باقنروولا بیرگه "راست"، "سگاه"، "زابل"، "دوگه" موغاملارینی فورتپیانودا حاضرلاییب.

اوزئییر حاجیبیووون تشببوسو ایله تحصیلینی داوام ائتدیرمک اوچون مسکوا دؤلت کنسرواتورییاسینا گؤندریلیب. تئزلیکله اورادا آ. تفاسمانین رهبرلیک ائتدیی اورکسترده پیانوچو ایشله‌مه‌یه باشلاییب.

۱۹۳۹-جو ایلده باکییا قاییدیب و ۱۹۴۱-جی ایلده "قیرمیزی اوردو" آنسامبلینی یارادیب. ۴۰۲-جی دیویزییانین ترکیبینده چالیشان آنسامبل اوچون مختلیف پاتریوتیک ماهنیلار یازیب.

محاربه‌دن سونرا بیر سیرا تئاترلار ایله امکداشلیق ائدیب. تئاترلارلا ایشلدیی بیر نئچه ایل عرضینده او، اویلیام شکسپیرین «اون ایکینجی گئجه»، آلئکساندر فادئیئوین «گنج قواردییا»، جعفر جبارلینین «آیدین»، حسن سیدبی‌لی و عمران قاسیمووون «اوزاق ساحللرده»، رسول رضانین «قارداشلار»، ناظیم حیکمتین «قریبه آدام»، انور مممدخان‌لی «شیروان گؤزه‌لی»، عبدالله شایقین «ائل اوغلو» و باشقا تاماشالارا موسیقی بسته‌له‌ییب.

توفیق قولیئو بؤیوک پوپولیارلیق قازانان «اؤگی آنا» (۱۹۵۸)، «قیزمار گونش آلتین‌دا» (۱۹۵۸)، «بختیار» (۱۹۵۹)، «گؤروش» (۱۹۵۵)، «شیر ائوده‌ن گئتدی» (۱۹۷۷)، «قاینانا» (۱۹۷۸) و باشقا بو کیمی بیر چوخ فیلمه موسیقی یازیب.

۲۰۰۰-جی ایل اوکتیابرین ۵-ده اوزون سوره‌ن خسته‌لیکدن سونرا ۸۲ یاشین‌دا وفات ائدیب. باکی شهرینده‌کی فخری خیاباندا دفن اولونوب.