روسیانین سو-۲۷ قیریجی‌سی بؤیوک بریتانیا حربی هوا قوه‌لرینه مخصوص ر.ج-۱۳۵ کشفیات طیاره‌سی و ایکی «تایفون» قیریجی‌سینین قارا دنیز اوزرینده دولت سرحدینی پوزماسینین قارشی‌سینی آلیب.

Axar.az خبر وئریر کی، بو باره‌ده روسیا مدافعه ناظیرلیینین معلوماتیندا دئییلیر.

بیلدیریلیب کی، ایولون ۲۶-دا نظارت سیستملری قارا دنیز اوزرینده روسیا هوا مکانینا یاخینلاشان هوا هدفلرینی آشکارلاییب.

روسیا دولت سرحدینین پوزولماسینین قارشی‌سینی آلماق اوچون هوا هجوموندان مدافعه قوه‌لرینین نوبتچی حصه‌سیندن سو-۲۷ قیریجی‌سی هوایا قالدیریلیب.

بئله کی، روسیا قیریجی اکیپاژی هوا هدفلرینین ر.ج-۱۳۵ استراتژی کشفیات طیاره‌سی و ایکی «تایفون» قیریجی‌سی اولدوغونو معین ائدیب. روسیا قیریجی‌سی یاخینلاشارکه‌ن خارجی حربی طیاره‌لر روسیا دولت سرحدیندن دؤنوش ائدیب.