اوکراینانین گرجستان‌داکی موقتی ایشلر وکیلی گئری چاغیریلیب.

Axar.az خبر وئریر کی، بو باره‌ده اوکراینانین یئنی خاریجی ایشلر ناظری آندری سیبیگا سوسیال شبکه حسابیندا یازیب.

ناظر بو آددیمین سببینی محاربه شرایطینده اولان اؤلکه‌ده دیپلماتییانین رئال‌لیقلارینی تام درک ائتمه‌مه‌سی ایله ایضاح ائدیب. او، همچینین اوکراینانین سفیر و کونسوللارینی مرکزدن گؤستریش گؤزله‌مه‌مه‌یه و فعال مؤقع توتماغا چاغیریب.

گرجستان باش ناظری ایراکلی کوباخیدزه ایسه بیلدیریب کی، اوکراینا خاریجی ایشلر ناظری آندری سیبیگا کیئوین تیفلیس‌ده‌کی موقتی ایشلر وکیلینی پالتاریویان ماشین آلدیغینا گؤره ایشده‌ن چیخاریب.

بیزده اولان معلوماتا گؤره، دیپلماتین ایشده‌ن چیخاریلماسی سیاسی آکت دئییل. دیپلماتیک ایستاتوسا مالک نماینده معیشت اشیالاری آلیب و بو دا محاربه فونوندا غیری-آدکوات ساییلیب. بو اونون ایشده‌ن چیخاریلماسینا سبب اولوب. صحبت پالتاریویان ماشینلاردان گئدیر»، - کوباخیدزه قید ائدیب.

قید ائدک کی، اوکراینانین گرجستان‌داکی سفیرلیینین فعالیتینه میخایل خاریشین رهبرلیک ائدیردی.