افغانستان‌لیلار اؤز اؤلکه‌لرینه قاییدیب و اورانین آبادلاشدیریلماسینا چالیشمالیدیرلار، ایران بو سایدا قاچقینی ساخلاماق امکانینا مالیک دئییل.

Axar.az خبر وئریر کی، بو سؤزلری ایران داخیلی ایشلر ناظری اسکندر مؤمنی دئییب.

او، اؤلکه‌ده ایشسیزلیین اساس عاملینین افغانستانلی قاچقینلار اولدوغونو دئییب و اونلارین اؤلکه‌دن چیخاریلماسینا تاکید ائدیب.

"اؤلکه‌میزده یارادیلان ایش یئرلری اونلار طرفیندن توتولوب و بونا گؤره ده، افغانستانیلاردان اؤز اؤلکه‌لرینه قایتمالارینی ایسته‌ییریک"،- داخلی ایشلر ناظری بیلدیریب.

بونونلا یاناشی ایران پرزیدنتینین افغانیستان مسئله‌لری اوزره خصوصی نماینده‌سی حسن کاظمی قمی ده اوخشار بیانات سسلندیریب.

او، اؤلکه‌نین شرق بؤلگه‌سینده، افغانیستانلا سرحدده چکیلن دیوارین تکمیللشدیریلمه‌سینده قطعیتلی اولدوقلارینی سؤیله‌ییب.

"بو ایرانین تهلکسیزلیینی تامین ائتمک و سرحد پوزونتولارینین قارشی‌سینی آلماق مقصدیله حیاتا کئچیریلیب"،- پزئشکیانین معاوینی بیلدیریب.

اونون سؤزلرینه گؤره، ایران سرحدین داها چوخ پوزولدوغو اراضیدن، خراسان رضوی ایالتینین شمال-شرق حیصه‌سینده ۷۴ کیلومتر اوزونلوقدا ۴ متر هوندورلویونده بتون دیوارلاری تیکانلی مفتیللرله گوجلندیره‌جک.

ایران پاکستانلا سرحده ده اوخشار دیوار هؤرمه‌یی پلانلاشدیریر.

ایرانین بو آددیمی طالبان حکومتینین اعتراضی ایله قارشیب و کابل تهرانین سرحدده دیوار چکمه‌سینین یالنیز هر ایکی اؤلکه‌نین راضیلیغی اساسیندا رئاللاشا بیلجه‌یینی بیان ائدیب.