آنا صحیفه پلانت |
آمریکا پرزیدنتی جوزف بایدنین آذربایجان پرزیدنتی ایلهام علیئوه عنوانلادیغی مکتوبون متنیندن آیدین اولور کی، آغ ائو ان یاخشی حالدا باکیدا نویابر آییندا کئچیریلهجک کوپ۲۹ تدبیرینه، ان پیس حالدا ایسه ایلین سونونا قدر آذربایجانلا ارمنیستان آراسیندا صلح سازشینین امضالانماسینی ایستییر.
Axar.az خبر وئریر کی، بو سؤزلری پولیتولوق ائلخان شاهیناوغلو قید ائدیب.
او، بایدنین کوپ۲۹ یازارکهن، پارالل اولاراق آمریکاداکی پرزیدنت سئچکیلرینی دوشوندویو بیلدیریب:
«آغ ائو آدمینیستراسییاسی ویتسئ-پرزیدنت کمالا هاریسین پرزیدنت سئچیلمهسی اوچون وار گوجویله چالیشیر، قیسا واخت عرضینده خارجی سیاستده اوغور حکایهلرینه احتیاج دویور. سئچکییه قدر آذربایجانلا ارمنیستان آراسیندا صلح سازشی امضالانارسا، بو کمالا هاریسین خاناسینا یازیلاجاق. بایدن آدمینیستراسییاسی آذربایجانلا ارمنیستان آراسیندا صلح سازشینین قیسا زمان کسیینده امضالانماسینی بو قدر ایستییرسه، آتاجاغی بیرجه آددیم وار: جوزف بایدنین باکییا گؤندردیی خصوصی کمکچیسی مایکل کارپنترین ایرواندا باش ناظیر نیکول پاشینیانی کونستیتوسییادا آذربایجانا قارشی اراضی ادعاسینی احتوا ائدن بندی چیخارماغا ایناندیرماق... آغ ائو بونو باجارارسا، صلح سازشینین نویابرا قدر اولماسا دا، ایلین سونونا قدر امضالانماسی ممکوندور، عکس حالدا ارمنی لوببیسی ایله سیخ علاقهلری اولان کمالا هاریسین پرزیدنت سئچیلمهسی اوچون آذربایجان اؤز ماراقلاریندان امتنا ائتمهیهجک».
تاریخ
2024.10.21 / 19:40
|
مولف
Axar.az
|