اوکراینا و اونون متفقلری اعتراف ائتملیدیرلر کی، اشغال اولونموش اراضیلرین تام آزاد ائدیلمه‌سی و ۱۹۹۱-جی ایل سرحدلرینه قاییتماق ممکون دئییل.

Axar.az خبر وئریر کی، بونو «فوریگن آفایرس» نشرینین شرح‌چی‌سی ریچارد هاس یازیب.

«واشینگتون محاربه‌نین آجی رئاللیغینی اعتراف ائتمه‌لی و داها ایناندیریجی نتیجه ایله باریشمالی‌دیر. او، غلبه‌نی کیئوین اؤز سووئرنلیینی و مستقللیینی، ایستدیی اتفاقلارا و بیرلیکلره گیرمک آزادلیغینی قوروماسی کیمی معین ائتمه‌یه داوام ائتمه‌لی‌دیر. لاکن او، غالب گلمک اوچون کیئوین بوتون تورپاقلارینی آزاد ائتمه‌لی اولدوغو فکریندن ال چکمه‌لیدیر. آمریکا و متفقلری کیئوی کرملله دانیشیقلارا سوق ائتمه‌لی و اونو نئجه ائتمه‌لی اولدوغونا دایر آیدین تصور یاراتمالیدیرلار»، - هاس بیلدیریب.

اونون سؤزلرینه گؤره، بو، حربی عملیاتلاری دایاندیرماغین، اوکراینانی اصل مستقل اؤلکه کیمی قوروماغین و اونا برپا اولونماسی و هم اوکراینا، هم ده بوتون دنیا اوچون آغیر نتیجه‌لرین قارشی‌سینی آلماق امکانی وئرمیین یگانه یولدور.