روسییا آرتیق انرژی اینفراستروکتورونو محو ائتمک کامپانییاسینی تدریجا برپا ائدیر. بو هجوملار گوجلنه‌جک، لاکین بوندان علاوه، اوکراینانین یوکسک سوییه‌لی رهبرلییی ده تهلوکه آلتیندا اولا بیلر.

Axar.az خبر وئریر کی، بونو اوکراینانین بریتانییاداکی کئچمیش سفیری وادیم پریستایکو دئییب.

"اونلار نسه ائتمه‌یه چالیشاجاقلار. الکتریک شبکه‌سینی داغیداجاقلار، رهبرلییی اؤلدورمه‌یه چالیشاجاقلار. قارشیداکی اوچ آی دهشتلی اولاجاق. بو، کرملین دیکتاتورو ولادیمیر پوتینین آمریکانین کئچمیش پرزیدنتی دونالد ترامپین آغ ائوه قاییدیشی زامانی «دانیشیق طرزی» اولاجاق. ترامپ، گؤرونور، روسییا حؤکمدارینین اداره‌ائتمه طرزینه حیراندیر. اوکراینا پرزیدنتی ولادیمیر زلنسکی‌نین تامقیاسلی محاربه‌دن چیخماق اوچون ایکی واریانتی اولا بیلر - یا مغلوبیت، یا دا «قانلی دالانا دیرنیش». چونکی هئچ کیم بیلمیر کی، ترامپ محاربه‌نی تام اولاراق نئجه دایاندیرا بیلر»، - پریستایکو بیلدیریب.

کئچمیش سفیر قید ائدیب کی، بلکه ده ترامپین اؤزو ده صلح پلانینین اصلینده نه اولدوغونو بیلمیر.