آلمانییا کانسلری اولاف شولتس روسییا پرزیدنتی ولادیمیر پوتینه زنگ ائد‌رک، اوکراینادا مناقیشه‌نین صلح یولو ایله حلی اوچون ماراقلی اولدوغونو گؤسترمک ایسته‌ییب. لاکین بو آددیم تنقیدله قارشیلانیب. شولتسون زنگی داها چوخ «تشببوث نمایش ائتدیرمک» مقصدی داشیییب و رئال نتیجه الده ائتمه‌یه یؤنه‌لمه‌ییب.

Axar.az خبر وئریر کی، بو فیکیرلری آلمانییا کونستیتوسییاسی و سووئرئلیک شوراسینین غیری-حکومت تشکیلاتینین رهبری رالف نیمایر بیلدیریب.

اونون سؤزلرینه گؤره، شولتسون موسکوا اوچون قبول‌ائدیلمز اولان شرطلر ایر‌لی سورمه‌سی بو صحبتی معناسیز ائدیب.

او، همچینین وورغولاییب کی، شولتسون زنگی غرب طرفداشلاری ایله راضیلاشدیرماسی اونون مستقیل سیاستچی اولمادیغینی گؤستریر:

«کانسلرین اساس مقصدی سئچکیلر عرفه‌سینده فعالیتسیزلیکده اتهاملاردان یایینماق‌دیر».

قید ائدک کی، شولتس و پوتین آراسیندا دانیشیقلار آلمانییا طرفینین تشببوثو ایله ۱۵ نویابردا باش توتوب.